Subodh Bhave on Governor | "...म्हणून हे धजावतात"; राज्यपालांच्या वक्तव्यावरुन सुबोध भावे संतप्त! | Sakal
sakal

बोलून बातमी शोधा

Subodh Bhave Bhagatsingh Koshyari
"...म्हणून हे धजावतात"; राज्यपालांच्या वक्तव्यावरुन सुबोध भावे संतप्त!

"...म्हणून हे धजावतात"; राज्यपालांच्या वक्तव्यावरुन सुबोध भावे संतप्त!

राज्यपाल भगतसिंह कोश्यारी हे आपल्या एका विधानामुळे चांगलेच अडचणीत सापडले होते. त्यांच्या विधानावरुन त्यांच्यावर सामाजिक, राजकीय , सांस्कृतिक क्षेत्रातल्या अनेकांनी टीका केली आहे. अभिनेते सुबोध भावेनीही राज्यपालांच्या या वक्तव्यावरुन सुनावलं आहे.

हेही वाचा: लायकी नसलेल्या राजकारण्यांच्या हाती आपण देश उभारणीचं काम दिलंय - सुबोध भावे

पुण्यातल्या डीईएस प्री प्रायमरी स्कूलतर्फे स्वातंत्र्याचा अमृत महोत्सव आणि लोकमान्य टिळक पुण्यतिथीनिमित्त आयोजित कार्यक्रमात सुबोध भावे बोलत होते. यावेळी ते म्हणाले की, राजकारण्यांच्या हातात देश देऊन काहीही होणार नाही. ते काय करतात, हे आपल्या समोर आहेच. म्हणूनच पुढच्या पिढीमध्ये राष्ट्रीय शिक्षणाची बीजे रोवून त्यांना देशासाठी उभं करणं गरजेचं आहे. इंग्रजांनी नोकरदार तयार व्हावेत यासाठी आपल्या देशात शिक्षण व्यवस्था आणली. आजही आपण तीच व्यवस्था पाळत आहोत. म्हणून 'मुंबई, महाराष्ट्रातून काही लोक निघून गेले, तर पैसेच राहणार नाहीत', अशी वक्तव्ये करण्यात काही राजकारणी धजावतात".

तसंच त्यांनी राजकारण्यांवर टीकाही केली आहे. आपण सगळे चांगलं शिक्षण घेऊन सतत करियरच्या मागे धावत आहोत. मला चांगली नोकरी कशी मिळेल, परदेशी जाऊन स्थायिक कसं होता येईल, याचाच विचार आपण करत आहोत. ज्या राजकारण्यांची लायकी नाही, अशांच्या हातात आपण देश उभारणीचं काम दिलं आहे, अशी खंत त्यांनी यावेळी व्यक्त केलीये.

Web Title: Actor Subodh Bhave On Governor Bhagatsingh Koshyari Controversial Statement In Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..