प्राजक्ता माळीचं झालं ब्रेकअप.. म्हणाली, मला तेव्हाचं काहीही..

prajakta mali : मराठी सिनेसृष्टीत सध्या अभिनेत्री प्राजक्ता माळीची बरीच चर्चा आहे. नुकतीच आलेली 'रानबाजार' वेब सिरिज आणि येऊ घातलेला 'वाय' सिनेमा यामुळे सर्वत्र प्राजक्ताची हवा आहे. रानबाजार या वेब सिरिज मध्ये प्राजक्ताने एका वेश्येची भूमिका साकारली आहे. या भूमिकेसाठी तीला प्रचंड मेहनत करावी लागली. तितकेच तिच्या भूमिकेचे कौतुकही झाले. तर आता 'वाय' चित्रपटाच्या प्रमोशनसाठी प्राजक्ताने कंबर कसली आहे. या चित्रपटातही तिने अत्यंत वेगळ्या धाटणीची भूमिका साकारली आहे. सध्या या चित्रपटानिमित्त प्राजक्ता विविध माध्यमांना भेटी देत आहे. अशाच एका भेटीत प्राजक्ताने तिच्या वैयक्तिक आयुष्याबद्दल मोठा खुलासा केला आहे. (Actress prajakta mali shared memories of her breakup) (prajakta mali breckup)

‘वाय’ या चित्रपटाच्या शूटींगदरम्यान प्राजक्ताचा ब्रेकअप झाला होता, असे तिने या मुलाखतीत सांगितले. प्राजक्ता म्हणाली, ' या चित्रपटात माझी भूमिका अंत्यत छोटी आहे. पण ती तितकीच महत्त्वपूर्णही आहे. या चित्रपटाच्या शूटींगदरम्यान माझ्या वैयक्तिक आयुष्यात खूप गोष्टी होत होत्या. त्यावेळी माझं ब्रेकअप झालं होतं. मी कुठे आहे, माझं काय सुरु आहे, याची मला काहीही कल्पना नव्हती. या चित्रपटाच्या शूटींगदरम्यानच्या अनेक गोष्टी मला नीट आठवतही नाहीत.'

पुढे ती म्हणाली, 'आम्ही जेव्हा हा चित्रपट पाहात होतो, तेव्हा मला चित्रपटाचे दिग्दर्शक आठवण करुन देत होते की तू हा सीन करताना पडली होती. तू हा सीन करताना हे असं असं बोलली होतीस, तुला आठवतंय का? त्यांनी मला हे प्रश्न विचारल्यावर मी फक्त हो इतकच उत्तर देत होती. पण मला त्यावेळी काय झालं होतं हे अजिबात आठवत नाही. त्यावेळी मी माझ्याच विचारात गुंतलेली होते.' अशी आठवण प्राजक्ताने सांगितली.