आदित्य नारायण त्याच्या लग्नात वडिलांच्या हिट गाण्यावर करणार डान्स, असं आहे पूर्ण प्लानिंग..

मुंबई- बॉलीवूड गायिका नेहा कक्कर आणि पंजाबी गायक रोहनप्रीत यांच्या लग्नानंतर आता लवकरंच बॉलीवूडचे प्रसिद्ध पार्श्वगायक उदित नारायण यांचा मुलगा आणि गायक-निवेदक आदित्य नारायण लग्नबंधात अडकणार आहे. आदित्य लवकरंच त्याची गर्लफ्रेंड श्वेता अग्रवालसोबत लग्न करणार आहे. नुकतेच दोघांचे रोका समारंभाचे फोटो समोर आले होते. आदित्य सध्या सोशल मिडियापासून लांब राहतोय. मात्र नुकताच त्याने त्याच्या लग्नापासून ते हनीमून पर्यंतचा संपूर्ण प्लान शेअर केला आहे. 

हे ही वाचा: नेहा-काजलनंतर आता गौहर खानच्या घरी वाजणार सनई चौघडे, जैदसोबत पार पडला साखरपुडा  

आदित्य नारायण आणि श्वेता अग्रवाल अनेक वर्षांपासून एकमेकांना डेट करत आहेत. एका मुलाखती दरम्यान आदित्यने सांगितलं की तो त्याच्या लग्नात वडिल उदित नारायण याचं हिट गाणं 'पहला नशा' वर डान्स करणार आहे. डान्ससाठी या गाण्याची निवड का केली असं विचारलं असता आदित्यने सांगितलं की त्याच्यासाठी देखील ही पहिल्याच नजरेची लव्हस्टोरी आहे.

आदित्यने सांगितलं की लग्नानंतर तो नवीन घरात शिफ्ट होणार आहे. त्याने मालदिवमध्ये श्वेताला प्रपोज करण्याचं ठरवलं होतं मात्र लॉकडाऊनमुळे ते होऊ शकलं नाही. हनीमूनसाठी देखील दोघं काश्मिरमधील गुलमर्गसाठी रवाना होणार आहेत. कोरोनाच्या संकटामुळे हे लग्न जवळच्या नातेवाईकांमध्येच पार पडेल. हा विवाह सोहळा मुंबईतील एका मंदिरामध्ये डिसेंबरमध्ये पार पडेल.   

aditya narayan shares his wedding plan with shweta agarwal