अक्षय आणि इमरान दिसणार एकत्र! 'सेल्फी' चित्रपट येणार प्रेक्षकांच्या भेटीला

अक्षय कुमार आणि इमरान हाश्मी प्रेक्षकांना एकत्र पाहायला मिळणार आहे. दोघांचा विनोदी चित्रपट 'सेल्फी' (Selfiee Movie) हा लवकरचा प्रदर्शित होणार आहे. चित्रपटाच्या घोषणेनंतर त्यांच्या चाहत्यांची उत्सुकता शिगेला पोहोचली आहे. तर सेल्फी हा पुढील वर्षी २४ फेब्रुवारी २०२३ रोजी प्रदर्शित होणार आहे. चित्रपट निर्मात्यांनी अधिकृत प्रसिद्धीपत्रक काढले असून त्यात म्हटले आहे, की धर्मा प्रोडक्शन्स, पृथ्वीराज प्रोडक्शन्स, मॅजिक फ्रेम्स आणि केप ऑफ गुड फिल्म्सने अगोदरच 'सेल्फी'ची घोषणा केली.

यात अक्षय कुमार (Akshay Kumar) आणि इमरान हाश्मी (Emraan Hashmi) याबरोबरच दियाना पेंटी आणि नुसरत भरुचा यांची भूमिका असलेला चित्रपट २४ फेब्रुवारी २०२३ मध्ये प्रदर्शित होणार आहे. चित्रपटाचे दिग्दर्शन राज मेहता यांनी केले आहे. सेल्फी हा चित्रपट मळ्यालम चित्रपट 'ड्रायव्हिंग लायसन्स'चा हिंदी रिमेक आहे.

चित्रपट विनोदी असल्याचा दावा केला जात असून तो चित्रपटगृहात लवकरच प्रदर्शित होईल.