Ali Zafar : ...तर शाहरुख खानचे नुकसान होईल; काय म्हणून गेला पाकिस्तानी कलाकार

Ali Zafar Latest News २०१६ मध्ये ‘डियर जिंदगी’ हा चित्रपट प्रदर्शित झाला होता. या चित्रपटात पाकिस्तानी अभिनेता अली जफरने (Ali Zafar) किंग खान शाहरुख खानसोबत काम केले होते. या चित्रपटात आलिया भट्टही होती. अली हा आलियाचा बॉयफ्रेंड बनला होता. मात्र, चित्रपटात अलीचा शाहरुखसोबत एकही सीन नव्हता. शाहरुख खानसोबत (Shah Rukh Khan) पुन्हा कधी काम करायचे आहे असे विचारले असता तो म्हणाला, असे केल्याने शाहरुखचे नुकसान होईल.

पाकिस्तानी गायक आणि अभिनेता अली जफरने २०१० मध्ये ‘तेरे बिन लादेन’ चित्रपटाद्वारे बॉलिवूडमध्ये पदार्पण केले. यानंतर त्याने कतरिना कैफच्या ‘मेरे ब्रदर की दुल्हन’ चित्रपटासह ९ हिंदी चित्रपटांमध्ये काम केले आहे. ‘डिअर जिंदगी’ हा त्याचा शेवटचा बॉलिवूड चित्रपट होता. २०१६ मध्ये उरी हल्ल्यानंतर भारतात पाकिस्तानी कलाकारांचा मोठा विरोध झाला होता.

महाराष्ट्र नवनिर्माण सेनेनेही बॉलिवूडमध्ये पाकिस्तानी कलाकारांच्या कामावर बंदी घातली होती. त्यावेळी अली जफरला (Ali Zafar) ‘डिअर जिंदगी’तून रिप्लेस करण्याची बातमी आली होती. मात्र, तो चित्रपटात होता.

सध्यातरी शाहरुख खानने (Shah Rukh Khan) माझ्यासोबत काम करू नये. तिथे अडचणी वाढतात. अलीने शहनाज गिलसोबत काम करण्याची इच्छा व्यक्त करूनही शाहरुख खानसोबत काम करण्यास नकार दिला. ‘शहनाज, तुला आवड असेल तर मला माझे एक गाणे तुझ्यासोबत करायला आवडेल’ असेही अली जफर म्हणाला.