Alia Bhatt: आलिया भट्टने वांद्र्यात खरेदी केलं नवं घर; बहीण शाहीनलाही गिफ्ट केले 2 फ्लॅट

बॉलिवूड अभिनेत्री आलिया भट्ट नेहमीच चर्चेत असते. सध्या ही अभिनेत्री प्रॉपर्टी खरेदी केल्यामुळे चर्चेत आहे. आलियाच्या प्रॉडक्शन हाऊस इटर्नल सनशाइन प्रोडक्शन प्रायव्हेट लिमिटेडने वांद्रे पश्चिम येथील पाली हिल भागात 37.80 कोटी रुपयांना एक अपार्टमेंट खरेदी केले आहे.

मीडिया रिपोर्ट्सनुसार, अभिनेत्रीने दोन घरे खरेदी केली आहेत आणि तिने तिची बहीण शाहीन भट्टलाही गिफ्ट दिले आहेत. मात्र याबाबत आलियाच्या बाजूने कोणतेही अधिकृत वक्तव्य आलेले नाही.

रिपोर्ट्सनुसार, आलिया भट्टच्या कंपनीने खरेदी केलेले अपार्टमेंट 2 हजार 497 चौरस फुटांचे आहे आणि ते एरियल व्ह्यू कोऑपरेटिव्ह हाउसिंग सोसायटी लिमिटेडमध्ये आहे. ही निवासी मालमत्ता गोल्ड स्ट्रीट मर्कंटाइल कंपनी प्रायव्हेट लिमिटेडकडून खरेदी करण्यात आली होती. शिवाय तिने २.२६ कोटी रुपयांचे स्टँप ड्युटी भरल्याचीही माहिती आहे. आलियाने केलेला हा विक्री करार १० एप्रिल २०२३ रोजी नोंदणीकृत आहे.

आलियाने तिची बहीण शाहीन भट्टला दोन घरे गिफ्ट केल्याचेही या अहवालात समोर आले आहे. या अपार्टमेंटची किंमत 7.68 कोटी रुपये आहे आणि ती गीगी अपार्टमेंट्स, एबी नायर रोड, जुहू, मुंबई येथे आहेत.

पहिले घर 1 हजार 197 स्क्वेअर फूट आणि दुसरे फ्लॅट 889.75 चौरस फुटांचे आहे. अहवालात म्हटले आहे की, “व्यवहारासाठी 30.75 लाख स्टँप ड्युटी भरल्याचीही माहिती आहे. . हे कार पार्किंगसह येते," जरी आलिया भट्टने अद्याप या अहवालांवर प्रतिक्रिया दिली नाही.

वर्क फ्रंटबद्दल बोलायचे झाले तर आलिया लवकरच तिचा पहिला हॉलिवूड चित्रपट 'हार्ट ऑफ स्टोन' मध्ये दिसणार आहे. या चित्रपटात गॅल गडॉट देखील आहे. रणवीर सिंगसोबत तिचा 'रॉकी और रानी की प्रेम कहानी'ही आहे.

करण जोहर दिग्दर्शित या चित्रपटात जया बच्चन, शबाना आझमी आणि धर्मेंद्र हे देखील महत्त्वाच्या भूमिकेत दिसणार आहेत. हा चित्रपट 28 जुलैला रिलीज होणार आहे. याशिवाय अभिनेत्री लवकरच प्रियांका चोप्रा आणि कतरिना कैफसोबत 'जी ले जरा'च्या शूटिंगला सुरुवात करणार आहे.