PM Modi On Amitabh Bhachchan: कुछ दिन तो गुजारो.. बिग बींना पंतप्रधानांच खास आमंत्रण !

PM Modi Replied Amitabh Bachchan on Twitter:  पंतप्रधान नरेंद्र मोदी 12 ऑक्टोबर रोजी उत्तराखंड दौऱ्यावर होते. पिथौरागढच्या दौऱ्यादरम्यान त्यांनी पार्वती कुंड आणि जागेश्वर मंदिरात जाऊन पूजा केली.

त्याच बरोबर त्यांनी तेथील आदि कैलास आणि पार्वती कुंडाला भेट दिल्यानंतर ध्यानधारणा केली. ज्याचे फोटो त्यांनी सोशल मीडियावर शेयर केले होते. त्यानंतर काही तासातच हे फोटो व्हायरल झाले.

त्यानंतर मेगास्टार अमिताभ बच्चन यांनी 15 ऑक्टोबर रोजी पार्वती कुंड आणि जागेश्वर मंदिरात पंतप्रधान मोदींच्या दर्शन पुजेचा फोटो X वर (पूर्वीचे ट्विटर) पोस्ट केला होता.

अमिताभ यांनी हा फोटो ट्विटरवर शेअर करत कॅप्शनमध्ये लिहिले की, "धार्मिकता...रहस्य.' कैलास पर्वताच्या देवत्वाने नेहमीच आकर्षित केले आहे, परंतु समस्या अशी आहे की मी या ठिकाणांना कधीही भेट देऊ शकणार नाही."

तर रविवारी पंतप्रधान मोदींनी अमिताभ बच्चन यांच्या या ट्विटला उत्तर दिले. यासोबतच पंतप्रधान मोदींनी अमिताभ बच्चन यांना सोशल मीडियावर कच्छला भेट देण्याचे निमंत्रण दिले आहे.

अमिताभ बच्चन यांच्या पोस्टला उत्तर देताना पंतप्रधान मोदींनी लिहिले की, "पार्वती कुंड आणि जागेश्वर मंदिरांचे दर्शन थक्क करणारे होते.काही आठवड्यात रण उत्सव सुरू होत आहे. तुम्ही कच्छला यावे अशी माझी इच्छा आहे. तुमची स्टॅच्यू ऑफ युनिटीची भेट अजून बाकी आहे." आता पंतप्रधान मोदींनी केलेल्या या ट्विटच्या चर्चेला उधाण आले आहे.

पंतप्रधान नरेंद्र मोदी यांच्या या दौऱ्याबद्दल बोलायचं झालं तर १२ ऑक्टोबरला त्यांनी कैलास व्ह्यू पॉइंटवरून आदि कैलासाचे दर्शन घेतले होते. यानंतर भारत-चीन सीमेला लागून असलेल्या गुंजी गाव आणि अल्मोडा येथील जागेश्वर धाम येथे त्यांनी दर्शन घेतले.

या ठिकाणापासून अगदी २० किलोमीटर अंतरावर चीनची सीमा सुरू होते. या दौऱ्यासोबतच नरेंद्र मोदी हे देशाचे पहिले पंतप्रधान बनले आहेत ज्यांनी उत्तराखंडमधील भारत-चीन सीमेवरील आदि कैलासला भेट दिली आहे. आता मोदींनी अमिताभ बच्चन यांना देलेले कच्छ भेटीचे निमंत्रण आता ते स्वीकारतात का हे पाहवं लागले.