Ankit Tiwari : प्रसिद्ध संगीतकार, गायक अंकित तिवारीच्या कॉन्सर्टमध्ये युवतींचा राडा, हाणामारीचा Video Viral!

Fans Dispute Erupts at Ankit Tiwari’s Bihar Concert Last Night!: बॉलीवूडमधील प्रसिद्ध गायक, संगीतकार अंकित तिवारीची गोष्टच काही और आहे. गेल्या चार ते पाच वर्षांपासून तो लोकप्रियतेच्या शिखरावर आहे. आशिकी २ पासून त्याची गाडी सुसाट सुटली ती थांबण्याचे नाव घ्यायला तयार नाही. आता तर त्याच्या लाईव्ह कॉन्सर्टला मोठ्या प्रमाणात गर्दी होताना दिसत आहे. (लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर... फॉलो करण्यासाठी या लिंकवर करा क्लिक)

अंकित तिवारीच्याबाबत एक धक्कादायक बातमी आता समोर आली आहे. बिहारमधील एका शहरात त्याचा कॉन्सर्ट होता. त्या दरम्यान मोठ्या प्रमाणावर गर्दीही झाली होती. याचवेळी अंकितचे स्वागत करण्यासाठी जमलेल्या महिलांमध्ये हाणामारी झाल्याचे दिसून आले आहे. त्याचा व्हिडिओ सोशल मीडियावर व्हायरल झाला आहे. तो पाहून अंकितच्या चाहत्यांना मोठा धक्का बसला आहे.

Also Read - Penny Stocks : जादा नफ्याच्या मृगजळामागं धावणं नकोच!

विरल भयानीनं त्याच्या इंस्टावरुन हा व्हिडिओ शेयर केला असून काही वेळेपूर्वी शेयर केलेल्या त्या व्हिडिओला आतापर्यत हजारो व्ह्युज आले आहेत. त्यावर नेटकऱ्यांनी दिलेल्या प्रतिक्रिया देखील भन्नाट आहेत. एकानं लिहिलं आहे की, असं स्वागत जर होणार असेल तर अंकित गायचं सोडून पळून जाईल. दुसऱ्यानं लिहिलं आहे की, हे सगळं नेमकं कशासाठी, काय प्रकार आहे हा...अशा शब्दांत नेटकऱ्यांनी त्यांच्या प्रतिक्रिया दिल्या आहेत.

गेल्या काही दिवसांपासून या कॉन्सर्टची तयारी सुरु होती. आता त्यात घडलेल्या या प्रकारानं अनेकांचे लक्ष वेधून घेतले आहे. कित्येकांनी त्यावरुन नाराजी देखील व्यक्त केली आहे. यापूर्वी कित्येक बॉलीवूड गायकांच्या कॉन्सर्ट दरम्यान असे प्रकार घडल्याचे समोर आले आहे. यावेळी पोलीस बंदोबस्त असून देखील त्यांच्यावर हल्ले झाल्याच्या घटना घडल्या आहेत.