Arjun Rampal : 'मी प्रेग्नंट झाले तर तुम्हाला अडचण काय?' अर्जून रामपालच्या गर्लफ्रेंडनं झाडलं

Arjun Rampal Girlfriend Gabriella Demetriades : बॉलीवूडचा प्रसिद्ध अभिनेता अर्जून रामपाल आणि त्याची गर्लफ्रेंड ही आता वेगळ्या कारणासाठी चर्चेत आली आहे. अर्जून हा त्याच्या वेगळ्या स्टाईल आणि फॅशनसाठी ओळखला जाणारा अभिनेता आहे. तो त्याच्या वैयक्तिक आयुष्यातील घटनांमुळे देखील चर्चेत राहिला आहे. आजवर अर्जूनच्या प्रदर्शित झालेल्या चित्रपटांनी त्याला नेहमीच प्रेक्षकांचा प्रतिसाद मिळाला आहे.

अर्जूनच्या गर्लफ्रेंडनं ग्रॅब्रियलानं सोशल मीडियावर काही फोटो शेयर केले आहेत. त्या फोटोंवर नेटकऱ्यांनी दिलेल्या प्रतिक्रिया भलत्याच भन्नाट आहेत. मात्र काहींनी प्रतिक्रिया देताना सभ्यतेची पातळी ओलांडल्याचे दिसून आले आहे. त्यांना ग्रॅबियलनं चांगलेच सुनावले आहे. ग्रॅबियल ही अर्जून रामपालच्या दुसऱ्या मुलाची आई होणार असून तिच्या या बातमीनं चाहत्यांनी तिच्यावर शुभेच्छांचा वर्षाव केला आहे.

Also Read - Shivrajyabhishek Sohala : परकीय जलचरांना वेसण घालणारे एकमेव भारतीय राजे म्हणजे छत्रपती शिवाजी महाराज !

एका युझर्सनं ग्रॅबियलला कमेंट्स करताना लिहिलं आहे की, तू बिना लग्नाची कशी काय गरोदर झालीस, तू लग्न कधी करणार आहेस, तू तर आता भारतामध्ये राहते आहेस तेव्हा तुला इकडे राहायचे असल्यास लग्न करावे लागेल. तुझ्या अशा प्रकारच्या वागण्याचा आजच्या युवा पिढीला त्रास होतो आहे. त्यांची मानसिकता खराब होत चालली आहे. त्यावर मग ग्रॅबिएलनं देखील नेटकऱ्यांना चांगलेच सुनावले आहे. एका नव्या जीवाला जन्म दिल्यानंतर मानसिकता कशी काय खराब होते. काहीही सांगून वातावरण दुषित करण्याची सवयच आहे. मी असे केल्यानं तुम्हाला अडचण काय आहे?

अर्जून रामपाल आणि ग्रॅबियलाच्या मुलाचे नाव आहे काय?

2019 मध्ये अर्जून रामपाल आणि ग्रॅबिएलला एक मुलगा झाला होता. त्याचे नाव त्यांनी अरिक असे ठेवले आहे. अर्जूननं मेहर जेसियासोबत घटस्फोट घेतला आहे. तिला दोन मुली आहेत. अर्जून हा प्रसिद्ध बॉलीवूड अभिनेता आहे. त्याचा चाहतावर्गही मोठा आहे. एक प्रसिद्ध मॉडेल म्हणूनही तो अनेकांना माहिती आहे. हिंदी चित्रपट आणि मालिकांमधून त्यानं प्रेक्षकांचे मनोरंजन केले आहे. अर्जूनच्या चित्रपटांना बॉक्स ऑफिसवर चांगले यश मिळाले आहे.