पुरणपोळी म्हटली की अनेकांच्या तोंडाला पाणी सुटतं. विशेषकरून होळीचा सण आला की घरात पुरणपोळी करण्यासाठी गृहिणींची लगबग सुरू होते. गोड पुरणाने टम्म फुगलेली, गरमागरम तव्यावरून थेट ताटात वाढलेली आणि त्यावर साजूक तूप लावून पुरणपोळी खाण्याची मजा काही औरच असते. होळीच्या सणानिमित्त महाराष्ट्रातील घराघरात पुरणपोळीचा बेत आखला जातो. मग याला सेलिब्रिटीसुद्धा अपवाद नसतात. मराठीतील प्रसिद्ध अभिनेत्री अश्विनी भावे या राहायला अमेरिकेत जरी असल्या तरी तेथेही त्यांना पुरणपोळीची आठवण झालीच. अमेरिकेत त्यांनी घरी पहिल्यांदाच पुरणपोळी बनवण्याचा बेत आखला. हा त्यांचा पहिलाच प्रयोग यशस्वी झाला असून त्याचा व्हिडीओ त्यांनी सोशल मीडियावर पोस्ट केला आहे.
पहिल्यांदाच पुरणपोळी करत असल्याने त्यांनी रेसिपीसाठी इंटरनेटची मदत घेतली. इंटरनेटवरील माहितीनुसार त्यांनी ही पुरणपोळी बनवली. ती नेहमीपेक्षा थोडी जाड झाली असल्याचंही त्यांनी म्हटलं. मात्र पहिला प्रयोग म्हणून त्यांनी केलेली पुरळपोळी नेटकरी आणि चाहत्यांच्या चांगलीच पसंतीस पडली. अश्विनी भावेच्या या व्हिडीओला १७ हजारांहून अधिक व्ह्यूज मिळाले आहेत.
किशोर बोपर्डीकर यांच्याशी लग्न केल्यानंतर अश्विनी भावे या परदेशी स्थायिक झाल्या. परदेशी गेल्यानंतर त्यांनी तिथे फिल्ममेकिंगचा चार वर्षांचा कोर्स केला. स्वत: राज कपूर यांनी 'कळत नकळत' या चित्रपटातील अश्विनींचं काम पाहिलं होतं. त्यावरून त्यांनी अश्विनी यांना स्क्रीन टेस्टसाठी बोलावलं आणि त्यांची निवड 'हिना' या चित्रपटासाठी झाली. अश्विनी लग्न झाल्यापासून परदेशी राहत असल्या तरी त्यांच्या मुलांना त्या दरवर्षी भारतात घेऊन येतात. मुलांना भारत हा देश कळला पाहिजे, असं त्यांचं मत आहे. त्या विविध वृत्तपत्रांसाठी स्तंभलेखनसुद्धा करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.