अमिताभ बच्चन म्हणजे...? नेमकं 'या' अभिनेत्याला बिन बी बद्दल काय वाटतंय, कोण आहे तो अभिनेता...

Ayushmann Khurrana On Working With Amitabh Bachchan
Ayushmann Khurrana On Working With Amitabh Bachchan

मुंबई : सुपरस्टार अभिनेता अमिताभ बच्चन आणि आयुषमान खुराना यांची मुख्य भूमिका असलेला हा चित्रपट गेल्या कित्येक दिवसांपासून सोशल मीडियावर चर्चेचा विषय ठरलेला ‘गुलाबो सिताबो’ हा चित्रपट आज अखेर प्रेक्षकांच्या भेटीला आला.

हा चित्रपट अमेझॉन प्राइम व्हिडीओवर प्रदर्शित करण्यात आला. या चित्रपटाच्या निमित्ताने बिग बी अमिताभ बच्चन आणि आयुषमान खुराना यांनी पहिल्यांदाच एकत्र स्क्रीन शेअर केली असून या जोडीने प्रेक्षकांची मनं जिंकून घेतली आहे. त्यातच अमिताभ बच्चन यांच्यासोबत काम करण्याचा नेमका अनुभव कसा होता. हे आयुषमान खुरानाने असे सांगितलं की, 'गुलाबो सिताबो’ या चित्रपटाच्या निमित्ताने मला अमिताभ बच्चन यांच्यासोबत काम करण्याची संधी मिळाली.

बिग बी हे एक उत्तम कलाकार असण्यासोबतच एक चांगले सहकलाकारही आहेत. त्यांच्यात आजही एक लहान मुल दडलेलं आहे. त्यांच्यासोबत काम करण्यापूर्वी मला सतत असं वाटायचं की ते गंभीर स्वभावाचे आहेत. परंतु तसं अजिबात नाही.  त्यांच्यात कामाचा प्रचंड उत्साह आणि अभिनयाची आवड असल्याचं दिसून येतं. मला सतत असं वाटायचं की त्यांच्यामुळे सेटवर शांत आणि शिस्तबद्ध वातावरण असेल. मात्र तसं अजिबात नव्हतं. त्यांच्यामुळे सेटवर कायम खेळीमेळीचं वातावरण असायचं.ते प्रचंड बोलक्या स्वभावाचे आहेत. तसेच अमिताभ बच्चन हे स्वार्थी स्वभावाचे नसून कायम इतर कलाकारांना मदत करणारे आहेत, असे आयुषमान म्हणाला. 

‘गुलाबो सिताबो’ या चित्रपटात आयुषमान आणि अमिताभ बच्चन हे मुख्य भूमिकेत झळकले आहेत. गुलाबो सिताबो’ या चित्रपटात बिग बींनी मिर्झा ही भूमिका साकारली असून आयुषमान हा  बांके या भूमिकेत पाहायला मिळाला आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com