Big Boss Marathi 4: 'एक दिवस तू माझ्या हातात असशील..',अमृताला अपूर्वाचं खुलं आव्हान

Big Boss Marathi 4:बिग बॉस मराठीच्या घरात आता हळूहळू टास्कमुळे आणि घरात पार पडणाऱ्या नॉमिनेशन कार्यामुळे सदस्यांची आपापसात जोरदार भांडणं रंगू लागली आहेत. अगदी हाणामारीपर्यंत भांडण पोहोचताना दिसत आहे. घरातून पहिला सदस्य निखिल राजेशिर्के नुकताच बाहेर पडला आहे.

आता दुसऱ्या सदस्याला घरातून बाहेरचा रस्ता दाखवण्यासाठी नॉमिनेशन प्रक्रिया सुरु झाली आहे आणि यावेळेला जोरदार वाद रंगताना दिसत आहेत. आता एकमेकींवर आरोप-प्रत्यारोप करताना अपुर्वा नेमळेकर आणि अमृता धोंगडे मध्ये जोरदार तू-तू,मै- मै रंगली. अमृतानं नॉमिनेशन कार्यात दिलेल्या कारणांमुळे अपुर्वाचा पारा चढला अन् त्यावरनं भलामोठा वाद रंगला.

अमृता अपूर्वाला म्हणाली,'तू मला आठवडाभर दिसली नाहीस,म्हणून मी तुला नॉमिनेट करतेय', त्यावर अपूर्वा म्हणाली,'वैयक्तिक राग इथे काढू नकोस. तुझ्या निकषांनी जर मी चर्चेत नसेल तर मला फरक पडत नाही'. त्यावर अमृतानं पलटवार करत म्हटलं, 'माझ्यावर जे चुकीचे आरोप करताय ते बंद करा...',भडकलेली अपुर्वा पुढे म्हणाली, 'हा गुरुर शेवटपर्यंत राहू दे अमृता...आज माझी बाजू तुझ्याकडे होती ना,एक दिवस तू माझ्या हातात असशील,लक्षात ठेव'.

अजून कोणाकोणामध्ये झाले वाद ? कोणी केले कोणाला नॉमिनेट ? हे जाणून घेण्यासाठी बघत राहा बिग बॉस मराठी सोम ते शुक्र रात्री १० वा. आणि शनि - रवि रात्री ९.३० वाजता कलर्स मराठी वाहिनीवर.