Bigg Boss : बिग बाॅसच्या घराचे फोटो लिक, सीझन १६ च्या थीमवर मोठे अपडेट

काही महिन्यांची प्रतिक्षा आणि पुन्हा टीव्हीवरील सर्वात विवादित रिअॅलिटी शो बिग बाॅस १६ (Bigg Boss Season 16) प्रेक्षकांच्या भेटीला येणार आहे. सलमान खानच्या (Salman Khan) शोचे आतील तपशील जाणून घेण्यासाठी चाहते खूपच उत्सुक असतात. आम्ही जर तुम्हाला सांगितले, की सीझन १६ मध्ये बिग बाॅसचे घर कसे दिसेल आणि शोची थीम काय असेल याबाबतचा खुलासा झाला असून त्याविषयी ऐकून तुम्ही आवाक् होऊन जाल. (Bigg Boss 16 House First Photo Leak Very Soon Salman Khan Show On Air)

बिग बाॅस १६ ची थीम ?

बिग बाॅस सिझन १६ ची जोरात तयारी सुरु आहे. अनेक मोठ्या नावांची चर्चा सुरु आहे. गेल्या वर्षीचा शो जंगल थीमवर आधारित होता. यापेक्षा हटके यंदा बिग बाॅसच्या घराची थीम पाण्यावर आधारित राहणार आहे. टेली चक्करने आपल्या वृत्तात सूत्रांचा हवाला देत ही माहिती दिली आहे. घर निळ्या रंगाने रंगलेले असेल. पाण्यातील जलचरांचे सगळ्या बाजूंनी पोस्टर्स लावलेले असतील. पूर्ण शोचा मध्यवर्ती संकल्पना पाणी राहणार आहे.

सलमानने शूट केला प्रोमो

सलमान खानच्या चित्रीकरणाचा बिहाईंड द सीनचे फोटो समोर आले आहे. यात बिग बाॅसच्या घराची झलक पाहायला मिळत आहे. सलमानने प्रोमोचे चित्रीकरण पूर्ण केले आहे. सप्टेंबरच्या दुसऱ्या आठवड्यात प्रोमो प्रदर्शित केला जाईल. हा कार्यक्रम १६ आॅक्टोबरपर्यंत प्रेक्षकांच्या भेटीला येईल. यंदाही रिअॅलिटी शोचे सलमान खानच सूत्रसंचालन करणार आहे.