राष्ट्रपतीपदाचा उमेदवार अभिजीत बिचुकले सध्या काय करतोय? | Sakal
sakal

बोलून बातमी शोधा

Abhijeet Bichukale

बिचुकलेनं आत्तापर्यंत अनेक निवडणुका लढवल्या असल्या तरी त्याला एकदाही यश मिळालेलं नाही.

राष्ट्रपतीपदाचा उमेदवार अभिजीत बिचुकले सध्या काय करतोय?

सातारा : स्वत:ला कवी मनाचा नेता म्हणवून घेणाऱ्या अभिजीत बिचुकलेनं (Abhijeet Bichukale) आत्तापर्यंत अनेक निवडणुका लढवल्या. नगरसेवकापासून ते देशाच्या राष्ट्रपतीपदासाठीही त्यानं प्रयत्न केलेत. साताऱ्याचे खासदार उदयनराजे भोसले (MP Udayanraje Bhosale) यांनाही त्यानं कित्येकदा खुलेआम आव्हान दिलंय. 2019 च्या विधानसभा निवडणुकीत त्यानं मुंबईतील वरळी मतदारसंघातून आदित्य ठाकरेंच्या (Aditya Thackeray) विरोधात अपक्ष उमेदवार म्हणूनही निवडणूक लढवलीय. या निवडणुकीत त्याला अवघी 150 मतं मिळाली होती.

हेही वाचा: ...तरीही सातारी कंदी पेढ्याची चवच न्यारी

बिचुकलेनं आत्तापर्यंत अनेक निवडणुका लढवल्या असल्या तरी त्याला एकदाही यश मिळालेलं नाही. मात्र, तरीही हार न मानता त्याचे प्रयत्न सुरूच आहेत. 2019 चा मुख्यमंत्री मीच ठरवणार', असं बेधडक वक्तव्यही त्यानं केलं होतं. त्यानंतर त्यानं पंढरपूरमधूनही नशीब आजमावण्याचा निर्णय घेतला. मात्र, इथंही त्याला पराभवाचा सामना करावा लागला होता. पंढरपूर-मंगळवेढा विधानसभा मतदारसंघाच्या पोटनिवडणुकीत अवघी 137 मतं त्याला मिळाली होती. परंतु, अभिजीत बिचुकले हा आता वेगळ्याचं कारणानं चर्चेत आलाय. अनेकांना प्रश्न पडला असेल की, बिचुकले सध्या काय करतोय?

हेही वाचा: 27 वर्षाच्या हिंदू मुलीनं पाकिस्तानात रचला इतिहास

Big Boss च्या सिजन 2 च्या पर्वातही अभिजित बिचुकलेनं प्रेक्षकांचे मनोरंजन केलं होतं. आजवर केलेल्या आपल्या बेधडक वक्तव्यांमुळे त्यानं अनेकांचं लक्ष्यही वेधून घेतलंय. अभिजित बिचुकले हे मूळचे सातारा जिल्ह्यातले आहेत. ‘2019 चा मुख्यमंत्री मीच ठरणार’, ‘सातारा माझी गादी मी छत्रपतींचा वैचारिक वारसदार’, ‘कवी मनाचा नेता’ अशी अनेक वक्त्यव्य त्यानं केलेली पाहायला मिळतात. याच कारणामुळं त्याला बिग बॉसच्या घरात स्पर्धक म्हणूनही प्रवेश मिळाला होता. त्यातही त्यानं चांगलीच वाहवा मिळवली होती. बिग बॉसच्या घरात असताना त्यांना चेक बाऊन्सप्रकरणी पोलिसांनी अटक केली होती, त्यावेळी बिचुकले प्रकरण खूप गाजलं होतं. त्याच्यावर स्पर्धेतून बाहेर पडण्याची वेळ आली होती.

हेही वाचा: लग्नाचं नातं रक्ताचं नसलं, तरी 'आयुष्यभर' टिकतं; पण..

बिग बॉसच्या घरात त्याची अभिनेत्री शिवानी सुर्वे सोबत चांगली मैत्री जुळली होती. बिचुकले आता आणखी एका कारणामुळं प्रसिद्धी मिळवताना दिसतोय. नुकताच त्याने पुण्यात स्वतःचा 'सातारा कंदी पेढे' (Satara Kandi Pedha) विक्री व्यवसाय सुरू केलाय. बिग बॉसच्या दुसऱ्या सिजनचा कंटेस्टंट पराग कान्हेरे याने नुकतीच ही बातमी कळवलीय. त्यामुळे साताऱ्याच्या प्रसिद्ध कंदी पेढ्यांची चव आता पुणेकरांना बिचुकलेच्या दुकानात चाखायला मिळणार आहे. पुण्यातील शारदा गणपती मंदिराजवळ त्याने हे कंदी पेढ्यांचं दुकान थाटलंय. कान्हेरेनं बिचुकलेला त्यांच्या या नव्या व्यवसायासाठी हटक्या अंदाजात शुभेच्छाही दिल्या आहेत. ‘बिचुकले’ यावेळी नाही चुकले… असं म्हणून बिचुकलेचं पुण्यात स्वागत केलंय.

हेही वाचा: VIDEO : कार्तिक आर्यन हरवला जंगलात अन् पोलिसांनी काढली 'सेल्फी'

Web Title: Bigg Boss Fame Abhijeet Bichukale Is Selling Satara Kandi Pedha In Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..