वामिकाचा आजोबांसोबत पहिला फोटो; अनुष्काने शेअर केली 'खास' पोस्ट

मुंबई : क्रिकेटर विराट कोहली आणि अभिनेत्री अनुष्का शर्माला 11 जानेवारीला कन्यारत्न झाले. त्यांनी मुलीचे नाव वामिका ठेवले आहे. सोशल मीडियावर अनुष्का आणि विराटवर शुभेच्छांच्या वर्षाव झाला. वामिकाचा जन्म झाल्यावर विराट आणि अनुष्काने वामिकाला मिडीयापासून दूर ठेवण्याचा निर्णय घेतला होता. त्यामुळे तिचा चेहरा दिसू न देता विराट आणि अनुष्का वामिकाचे फोटो सोशल मीडियावर शेअर करत आहेत.

'फिल्मफेअर-2021' पुरस्कार झाले घोषित; पाहा कोण ठरलेत  मानकारी 

अनुष्काने नुकताच एक खास फोटो सोशल मिडीयावर शेअर केला आहे. याफोटोमध्ये अनुष्काचे वडिल अजय कुमार शर्मा आणि वामिका दिसत आहेत. अनुष्काने तिच्या वडिलांच्या वाढदिवसानिमित्त हा खास फोटो शेअर केला आहे. अजय यांचा 60वा वाढदिवस नुकताच साजरा करण्यात आला. या वाढदिवसानिमित्त अनुष्काने तिच्या वडिलांचे काही खास फोटो सोशल मिडीयावर शेअर केलेत. त्यामधील काही फोटो हे त्यांच्या तरूणपणातील आहेत. त्यातील एक फोटो वामिकासोबतचा आहे.

या फोटोमध्ये वामिकाच्या आजोबांनी तिला हातात धरले आहे. या दोघांचा  चेहरा या फोटोमध्ये दिसत नाही. पण त्यांच्यामधील प्रेमळ नाते या फोटोमधून दिसत आहे. या फोटोला अनुष्काने कॅप्शन दिले, 'मी कधीही परतफेड करू शकणार नाही अशा प्रकारे मला पाठिंबा दिला. आणि फक्त माझ्यावर प्रेम आहे. मी ही तुमच्या प्रेम करते बाबा तुम्हाला 60 व्या वाढदिवसाच्या शुभेच्छा'

काही दिवसांपूर्वी विरूष्काने त्यांच्या घरावरील नेम प्लेटचा फोटो सोशल मिडीयावर शेअर केला होता. त्यामध्ये वामिकाचे नाव विरूष्काने लिहीले आहे. नुकतीच वामिका दोन महिन्यांची झाली. यावेळी विरूष्काने घरच्या घरीच या खास दिवसाचं जंगी सेलिब्रेशन केलं आहे. अनुष्काने सोशल मीडियावर वामिकाच्या बर्थडेच्या केकचा फोटो शेअर केला. हा फोटो वामिकाच्या वाढदिवसाच्या केकचा आहे. हा रेम्बॉकेकचा फोटो शेअर करून अनुष्काने, 'हॅप्पी 2 मन्थ टू ऑफ अस' असे लिहीले होते.