Video: धर्मेंद्र यांची फियाट लई भारी!, 62 वर्ष झाली अजूनही एकच नंबर

Bollywood Actor Dharmendra: बॉलीवूडमध्ये आपल्या अभिनयानं चाहत्यांच्या मनावर गारुड केलेल्या अभिनेत्यांमध्ये धर्मेंद्र यांचे नाव पहिल्यांदा घ्यावे लागते. ते सध्या 86 वर्षाचे आहे. मात्र अजुनही त्यांचा उत्साह हा तरुणांना लाजवणारा आहे. (Entertainment News) सोशल मीडियावर नेहमीच सक्रिय असणाऱ्या धर्मेंद्र यांच्या (Bollywood Actor) व्हिडिओला नेटकऱ्यांचा मोठा प्रतिसाद मिळाल्याचे दिसून आले आहे. आता त्यांनी आपल्या 62 वर्ष जुन्या फियाटचा व्हिडिओ शेय़र केला आहे. (Viral Video) 52 सेकंदाच्या त्या व्हिडिओमध्ये धर्मेंद्र हे स्वता: फियाट ड्राईव्ह करत आहे. नेटकऱ्यांना धर्मेंद्र यांच्या त्या व्हिडिओनं आगळी वेगळी ट्रीट दिली आहे.

सध्या सोशल मीडियावर धर्मेंद्र यांनी एक व्हिडिओ शेयर केला आहे. त्यात त्यांनी त्यांच्या फियाटचा व्हिडिओ चाहत्यांसाठी शेयर केला असून धर्मेंद्र स्वता गाडी चालवत आहे. सोशल मीडियावरील त्या व्हिडिओला नेटकऱ्यांचा मोठा प्रतिसाद मिळाला आहे. वयाच्या 86 व्या वर्षी धर्मेंद्र हे सफाईदारपणे ड्राईव्ह करत असल्याचे दिसून आले आहे. डोंगराळ भागामध्ये मोठ्या कौशल्यानं धर्मेंद्र यांनी ड्राईव्ह करत नेटकऱ्यांचे लक्ष वेधून घेतले आहे. तो व्हिडिओ शेयर करताना त्यांनी लिहिलं आहे की, 1960 मध्ये ही फियाट कार खरेदी केली होती. या गाडीसोबतच्या अनेक आठवणी आहेत. माझी सर्वात आवडती, प्रेमाची ही फियाट आहे. आज मी पुन्हा एकदा तिला डोंगराळ भागातून फिरवलं आहे. अजूनही ती स्पेशलच आहे.

धर्मेंद्र यांच्या आगामी प्रोजेक्टविषयी सांगायचे झाल्यास, ते लवकरच रॉकी और रानी की प्रेम कहानी या चित्रपटामध्ये दिसणार आहे. त्यात रणवीर सिंग, आलिया भट्ट, जया बच्चन आणि शबाना आझमी हे कलाकार दिसणार आहेत. या चित्रपटाचे दिग्दर्शन करण जोहर करणार आहे. याशिवाय ते त्यांची निर्मिती असलेल्या अपने या चित्रपटाच्या दुसऱ्या भागाची तयारी करत आहेत. त्याच्या पहिल्या भागाला प्रेक्षकांचा मोठा प्रतिसाद मिळाला होता. बॉक्स ऑफिसवही अपनेनं मोठी कमाई केली होती. त्यात सनी देओल, बॉबी देओल यांच्या भूमिका होत्या.