'तर आम्ही वीस कोटी मुसलमान लढू'! नसिरुद्दीन शहांचं वक्तव्य

मुंबई - आपली भूमिका रोखठोकपणे मांडणे आणि त्यावर ठाम राहणे यामध्ये वर्गामध्ये बसणारे काही मोजकेच कलाकार आहेत. त्यामध्ये प्रख्यात अभिनेते नसिरुद्दीन शहा (bollywood actor nasseruddin shah) यांच्या नावाचा उल्लेख करावा लागेल. प्रतिभावान अभिनेते म्हणून त्यांच्याकडे पाहावे लागेल. त्यांनी आतापर्यत वेगवेगळ्या चित्रपटांमध्ये काम केले आहे. त्यांचा चाहतावर्गही मोठा आहे. गेल्या काही दिवसांपासून नसिरुद्दीन शहा हे त्यांच्या वेगवेगळ्या वक्तव्यामुळे देखील चर्चेत आले आहे. त्यांचे आताचे एक विधान त्यांची डोकेदुखी वाढवणारे ठरताना दिसत आहे.

एका न्युज पोर्टलला दिलेल्या मुलाखतीमध्ये नसीरुद्दीन यांनी धार्मिक विधानं केली आहेत. त्याचं झालं असं की, काही जहाल मतवादी विचारांच्या धार्मिक संघटनांनी मुस्लिम व्यक्तींची हत्या करण्याची धमकी दिली. त्यावरुन भडकलेल्या नसिरुद्दीन शहा यांनी आपली भूमिका मांडली आहे. शहा म्हणाले, मला तर आता लोकांवर विश्वासच राहिलेला नाही. त्याचे कारण म्हणजे लोकं काय विचार करतील हे सांगता येत नाही. अनेकांना या देशामध्ये धर्माच्या नावावर युद्ध सुरु करायचं आहे. त्यांना याठिकाणी शांतता नको आहे. काही करुन वातावरण दुषित कसे होईल याचाच विचार सतत केला जातो. हे सांगावं लागेल.

या देशामध्ये आता वीस कोटी मुस्लिम आहेत. आम्ही सगळे भारतीय आहोत. भारताचे आहोत. जर कोणी आम्हाला विनाकारण त्रास देत असल्यास आपण काय बोलावं, अनेकांना उगाचच त्रास द्यायला आवडते. त्यांना काही करुन वाद निर्माण करणं हेच ध्येय असतं. अशावेळी फार जपून वागण्याची गरज असते. माथेफिरु आपल्याला भडकवात. अशावेळी संयमही महत्वाचा आहे. आम्हीही या देशाचे आहोत हे ऐकुनही आम्हाला विनाकारण त्रास देत असल्यास आम्हीही त्यांचा लढून सामना करु. असे शहा यांनी यावेळी सांगितले.