Gangubai OTT: गंगुबाई ओटीटीवर आली! नेटफ्लिक्सवर होणार प्रदर्शित

Bollywood Movie: बॉलीवूडमध्ये ज्या चित्रपटानं प्रेक्षकांची उत्सुकता शिगेला (Bollywood News) पोहचवली होती त्या संजय लीला भन्साळीच्या गंगुबाईला बॉक्स ऑफिसवर प्रचंड यश मिळाले. त्यानं मोठी कमाई केल्याचे दिसून आले आहे. (Gangubai Kathiyawadi) साधारण दोन महिन्यापूर्वी प्रदर्शित झालेल्या गंगुबाईला प्रेक्षकांची पसंती मिळाली होती. भन्साळी यांच्या या चित्रपटाच्या बाबत देखील वाद (OTT Movie) निर्माण झाल्याचे दिसून आले होते. गंगुबाई यांच्या परिवारातील एका व्यक्तीनं उच्च न्यायालयात धाव घेतली होती. मात्र कोर्टानं ती याचिका फेटाळून लावत चित्रपट प्रदर्शित करण्यावर हिरवा कंदील दाखवला होता. आता गंगुबाई हा चित्रपट ओटीटीवर प्रदर्शित होणार असल्याचे सांगण्यात आले आहे.

थिटएरमध्ये शंभर कोटींपेक्षा अधिक कमाई करणाऱ्या गंगुबाईची ओटीटीवर एंट्री होणं यामुळे नेटकऱ्यांनी आनंद व्यक्त केला आहे. भन्साळी दिग्दर्शित गंगुबाई काठियावाडी हा चित्रपट बॉक्स ऑफिसवर कमालीचा हिट झाला होता. आलिया भट्टनं यात प्रमुख भूमिका साकारली होती. हुसैन झैदी यांच्या द माफिया क्वीन्स ऑफ मुंबई या पुस्तकावर आधारित या चित्रपटाची निर्मिती करण्यात आली होती. त्यावरुन काही प्रमाणात वादही झाला होता. अखेर भन्साळी यांच्या या चित्रपटाला कोर्टाकड़ून हिरवा कंदील मिळाल्यानं गंगुबाईच्या प्रदर्शनाचा मार्ग मोकळा झाला होता.

चालु वर्षीचा बॉलीवूडमधील सर्वाधिक गाजलेला चित्रपट म्हणजे गंगुबाई काठियावाडी. मात्र विवेक अग्निहोत्री दिग्दर्शित द काश्मीर फाईल्स जेव्हा प्रदर्शित झाला तेव्हा गंगुबाईला मोठा धक्का बसला. आता नेटफ्लिक्सनं मोठा निर्णय घेतल्याचे दिसून आले आहे. त्यांच्यावतीनं हा चित्रपट ओटीटीवर 26 एप्रिलपासून प्रेक्षकांना पाहता येणार आहे. नेटफ्लिक्सकडून ही माहिती देण्यात आली आहे. शंभर कोटींची कमाई करणाऱ्या चित्रपटांमध्ये आलियाच्या गंगुबाईचाही समावेश करण्यात आला होता.