काॅमेडियन वीर दासची पुन्हा जीभ घसरली; म्हणाला - देशात कोणालाही मारले...

Comedian Vir Das : स्टँड अप काॅमेडियन वीर दास आणि मुनव्वर फारुकी या दोघांचा वादाशी खूप जुनं नात आहे. आता वीर दासने (Comedian Vir Das) इन्स्टाग्रामवर एक व्हिडिओ पोस्ट करुन देशाच्या भावनांची टर उडवली आहे. व्हिडिओत तो म्हणाला, देशात काॅमेडियनला कधीही श्रीमुखात लगावले जाऊ शकते. आपण तो कोणी लगावला हे विचारत नाही. उलट आपण विचारतो का मारला? या प्रश्नाचे उत्तर देत स्वतः वीर दास म्हणतो, देशद्रोह, मानहानी आणि भावना दुखवल्याच्या नावाखाली कोणालाही श्रीमुखात मारले जाऊ शकते.

त्याने सदरील व्हिडिओ आपल्या इन्स्टाग्रामवर शेअर केला. त्याचा हा व्हिडिओ कोणत्या तरी जुन्या कार्यक्रमाचा क्लिप आहे. यात वीर दास हे दाखवण्याचा प्रयत्न करतो की भारतात (India) भावना दुखवण्याच्या नावावर कोणालाही शिक्षा किंवा श्रीमुखात लगावले जाऊ शकते. त्याच्या या नवीन व्हिडिओ पोस्टला ६ हजारपेक्षा जास्त लाईक्स आणि ५० पेक्षा अधिक प्रतिक्रिया आल्या आहेत.

लोकांच्या संमिश्र प्रतिक्रिया

लोकांनी वीर दासच्या या व्हिडिओवर वेगवेगळ्या प्रतिक्रिया दिल्या आहेत. एका यूजरने लिहिले, तर तुमच्या मते नुपूर शर्मा (Nupur Sharma) यांना भावना दुखवल्याच्या नावावर अटक करायला हवी. मात्र अश्लील काॅमेडी करणाऱ्या काॅमेडियनला नाही. काय हा दुटप्पीपणा ! एक यूजर म्हणतो, जर भारतीय संस्कृती आणि हिंदू धर्मावर अश्लील काॅमेडी करणे अभिव्यक्ती स्वातंत्र्य आहे, तर अशीच हिंमत दुसऱ्या धर्मांविषयी का करत नाही. का त्यांना असे केल्याने गळा कापण्याची भिती आहे.