काय आला 'छपाक' बद्दल कोर्टाचा निर्णय, वाचा सविस्तर

पुणेः दीपिकाचा नवा चित्रपट छपाकचे प्रदर्शन रोखण्यात यावे या मागणीसाठी अॅसिड पीडित लक्ष्मी अग्रवाल यांच्या वकील अपर्णा भट्ट यांनी कोर्टात याचिका दाखल केली होती.
यासंदर्भात दिल्लीतील पटियाला हाउस कोर्टात निकाल दिला आहे.

कोर्टाने 'छपाक'च्या निर्मात्यांनी वकील अपर्णा भट्ट यांचे नाव चित्रपटात द्यावे, असा निर्णय दिला आहे.

काय होती याचिका?

वकील अपर्णा भट्ट यांनी लक्ष्मी अग्रवाल यांची केस दहा वर्ष लढली आणि त्यात यशस्वीसुद्धा झाल्या. पण भट्ट या छपाक च्या निर्मात्यांवर नाराज असल्याचे दिसत होत्या. छपाक या चित्रपटात त्यांचा नावाचा साधा उल्लेखही नसल्याची खंत त्यांनी आपल्या फेसबुक पोस्टमधून मांडली होती.त्यांनी सांगितले की, छपाकच्या लेखकांनी आणि निर्मात्यांनी त्यांना त्यांचे नाव हे क्रेडिट मध्ये देऊ असे सांगितले होते, तरीही त्यांना ते देण्यात आले नव्हते.

हे पहा 'पानिपत' महाराष्ट्रात बघा आता टॅक्स फ्री!

दरम्यान मध्यप्रदेश आणि छत्तीसगडमध्ये दीपिकाचा छपाक सिनेमा टॅक्स फ्री केला आहे. 

हे पहा 'छपाक' मध्ये ऍसिड हल्ला करणाऱ्या आरोपीचा बदलला धर्म ?

जेएनयू भेटीमुळे राजकीय युद्धच रंगले होते

दीपिका पादुकोणने याआधी जवाहरलाल नेहरू विश्वविद्यालयातील जखमी विद्यार्थ्यांची भेट घेतली होती. त्यावेळी समाजातील विविध स्तरांतून दीपिकावर टीका करण्यात येत होती. मोठे राजकीय युद्ध यावेळी सुरू झाले होते. भाजपाने दीपिकाच्या छपाक सिनेमावार बहिष्कार घालण्याचे फरमानच जारी केले होते. पण कॉंग्रेसने दीपिकाला पाठिंबा दिला होता. भाजपाच्या ज्या नेत्यांनी दीपिकाच्या छपाकवर बहिष्कार घालण्याचे आवाहन केले होते त्या नेत्यांवर कॉंग्रेसचे नेते कपिल सिब्बल, रणदीप सूरजेवाला, पवन खेडा यांनी टीका केली होती. यावर  बोलताना माहिती आणि प्रसारण मंत्री प्रकाश जावडेकर यांनी भारत लोकशाही देश असल्याने कोणीही कुठेही जाऊ शकतो, असे सांगितले होते.

हे पहा थलैवा रजनीचा 'दरबार' आलाय; फॅन्सची दिवानगी पाहून व्हाल थक्क

सोशल मीडियावरही ती ट्रोल झाली

सोशल मीडियावरही ती ट्रोल होऊ लागली होती. त्यावेळी  #BoycottChhapaak हा ट्रेंड चालला होता.