दीपिकाने सोशल मिडियावरुन पोस्ट डिलीट केल्यानंतर आता चाहत्यांसाठी शेअर केली 'ऑडिओ डायरी'

मुंबई- प्रसिद्ध अभिनेत्री दीपिका पदूकोणने ३१ डिसेंबरला तिच्या चाहत्यांना आश्चर्याचा धक्का दिला. दीपिकाने तिच्या सर्व सोशल मिडियावरुन सगळ्या पोस्ट डिलीट केल्या. दीपिका सोशल मिडियावर चांगलीच ऍक्टीव्ह असते. ती तिच्या खाजगी आयुष्यातील आणि करिअरमधील महत्वाच्या गोष्टी सोशल मिडियाच्या माध्यमातून चाहत्यांसोबत शेअर करत असते. मात्र ३१ डिसेंबरच्या रात्री दीपिकाने जेव्हा तिच्या फेसबुक, ट्विटर आणि इंस्टाग्रामवरुन सगळ्या पोस्ट डिलीट केल्या तेव्हा सगळेच विचारात पडले. कोणालाच अंदाज लावता येत नव्हता की नेमकं काय झालंय? आणि दीपिकाने असं का केलंय ते.

हे ही वाचा: हृतिक रोशनने न्यु इयर पार्टीमध्ये एक पल का जीनावर केला जबरदस्त डान्स, व्हिडिओ व्हायरल  

दीपिकाने अखेर १ जानेवारी २०२१ला वर्षाच्या पहिल्याच दिवशी एक ऑडिओ क्लीप शेअर करत पुन्हा सोशल मिडियावर परतली. दीपिकाच्या या ऑडिओ क्लीपचं नाव 'माय ऑडिओ डायरी' असं आहे. ही क्लिप या ऑडिओ डायरीचा पहिला भाग आहे. यामध्ये दीपिकाने तिच्या चाहत्यांना नवीन वर्षाच्या शुभेच्छा दिल्या आहेत.

दीपिकाने या ऑडिओ क्लीपमध्ये म्हटलंय, ''सगळ्यांना हाय, माझ्या ऑ़डिओ डायरीमध्ये तुम्हा सगळ्यांच स्वागत आहे. ही माझ्या मतांची आणि भावनांची रेकॉर्डिंग आहे. तुम्ही सगळे माझ्या या गोष्टीशी सहमत असाल की २०२० प्रत्येकासाठी अनिश्चततेने भरलेला होता. मात्र माझ्यासाठी हे वर्ष कृतज्ञतेने परिपूर्ण होतं. २०२१ साठी मी स्वतःसाठी आणि तुम्हा सगळ्यांच्या चांगल्या आरोग्यासाठी आणि मन: शांतीसाठी प्रार्थना करते. नवीन वर्षाच्या शुभेच्छा.''

जेव्हा दीपिकाच्या सगळ्या पोस्ट डिलीट झाल्या तेव्हा लोकांना वाटलं की कदाचित तिचं अकाऊंट हॅक झालं आहे. मात्र जेव्हा दीपिकाने ऑडिओ डायरी पोस्ट केली तेव्हा सगळ्यांनी अंदाज लावला दीपिकाची ही नवीन ट्रीक आहे ज्यामध्ये ती आता ऑडिओ शेअर करत राहील. सोशल मिडियावर दीपिकाची मोठी फॅन फॉलोईंग आहे तेव्हा तिची ही ट्रीक पाहिलयानंतर आता तिचे फॉलोअर्स कमी होतात की वाढतात हे पाहणं महत्वाचं ठरेल. 

deepika padukone shares her audio clip on first day of new year after deleting all her social media posts