प्रभाससोबत काम करुन दीपिका बनणार सगळ्यात महागडी अभिनेत्री? घेतेय इतके कोटी रुपये..

मुंबई- दीपिका पदूकोण आज बॉलीवूडमधील सगळ्यात टॉपच्या अभिनेत्रींपैकी एक आहे. जेव्हा कधी तिच्या सिनेमाची घोषणा होते तेव्हा सोशल मिडियावर वेगवेगळ्या चर्चा सुरु होतात. नुकतीच दीपिकाने ती बाहुबली फेम अभिनेता प्रभाससोबत आगामी सिनेमात काम करणार असल्याची घोषणा केली. पण तुम्हाला हे माहित आहे का की या सिनेमासाठी ती केवढी मोठी रक्कम घेत आहे? 

हे ही वाचा: दिग्दर्शक अनुभव सिन्हांसोबत 'या' दिग्दर्शकांनीही केलं बॉलीवूडला अलविदा..

दीपिका पदूकोण आणि प्रभास ही स्वप्नातली जोडी आता सत्यात उतरणार आहे. ही जोडी पडद्यावर पाहण्यासाठी अनेकजण वाट पाहत होते.या दोघांचा हा आगामी सिनेमा वैजयंती मुव्हीजद्वारे निर्मित केला जाणार आहे आणि याचं दिग्दर्शन अश्विन नाग करणार आहेत. ही माहिती जशी समोर आली त्यानंतर थोड्याच वेळात इंटरनेटवर ही बातमी ट्रेंड व्हायला लागली. आता तर सिनेमाविषयीची आणखी एक नवीन अपडेट समोर येत आहे. 

त्याचं झालं असं की साऊथच्या निर्मात्यांनी दीपिकाला या सिनेमासाठी कसं मनवलं याचा खुलासा झालाय. एका रिपोर्टनुसार या सिनेमासाठी दीपिका पदूकोणला २० कोटी रुपये दिले जाणार आहेत. काहींच्या म्हणण्यानुसार दीपिका सुरुवातीला या प्रोजक्टसाठी तयार नव्हती. तिने हा सिनेमा करणार नसल्याचं सांगितलं होतं. मात्र सिनेमाच्या निर्मात्यांना दीपिकाच या सिनेमासाठी योग्य वाटत होती. 

सुत्रांच्या माहितीनुसार, सध्या दीपिका सिनेमातील हिरोला किती मानधन दिलं जातंय यावर तिचं मानधन ठरवते. तिला असं वाटतं की तिने आता इंडस्ट्रीमध्ये तिची चांगली जागा निर्माण केली आहे. तसं पाहायला गेलं तर या सिनेमात दीपिकाचं मानधन प्रभासच्या मानधनापेक्षा खूप कमी असलं तरी २० कोटी मानधन मिळाल्यावर ती भारतीय सिनेमातली सगळ्यात महागडी अभिनेत्री बनू शकते. या सिनेमासाठी प्रभासला ५० कोटी मानधन असल्याचं देखील कळतंय. 

लॉकडाऊननंतरच या सिनेमाच्या शूटींगला सुरुवात होईल तोपर्यंत सिनेमाची टीम दीपिकाच्या भूमिकेवर मेहनत घेतेय. आधी ही भूमिका फारसी स्ट्राँग नव्हती मात्र दीपिकाने होकार दिल्याने आता तिची भूमिका महत्वपूर्ण करण्यावर भर दिला जातोय.    

deepika will become highest paid actress of indian cinema with upcoming prabhas starrer film