esakal | Drugs Case: आर्यन खानने तुरुंगात कशी घालवली पहिली रात्र?
sakal

बोलून बातमी शोधा

Aryan Khan

तुरुंगात आर्यनला कोणतीही विशेष वागणूक मिळाली नाही.

Drugs Case: अशी होती आर्यन खानची तुरुंगातील पहिली रात्र

sakal_logo
By
स्वाती वेमूल

Cruise Drugs Bust: क्रूझवरील ड्रग्ज पार्टीप्रकरणी अटकेत असलेला आर्यन खान Aryan Khan याचा जामीन अर्ज मुख्य महानगर दंडाधिकाऱ्यांनी शुक्रवारी फेटाळला. आर्यनच्या जामीन अर्जावर महानगर दंडाधिकारी सुनावणी घेऊन निर्णय देऊ शकत नसल्याचं न्यायालयाने नमूद केलं. आर्यनसोबत अरबाज मर्चंट आणि मुनमुन धमेचा यांचाही जामीन अर्ज फेटाळण्यात आला. त्यानंतर आर्यनची आर्थर रोड तुरुंगात रवानगी करण्यात आली. तुरुंगात आर्यनला कोणतीही विशेष वागणूक मिळाली नाही. इतर कैद्यांप्रमाणेच त्याला जेवण दिलं गेलं आणि झोपण्यासाठीची व्यवस्थासुद्धा इतरांप्रमाणेच होती.

हेही वाचा: Drugs case: आर्यनचे वकील सतीश मानेशिंदेंची एका दिवसाची फी ऐकून व्हाल थक्क!

आर्थर रोड तुरुंगाच्या बराक क्रमांक १ मध्ये आर्यन आणि अरबाजला ठेवण्यात आलं आहे. या दोघांची कोरोना चाचणी निगेटिव्ह आल्यानंतर त्यांना तुरुंगात क्वारंटाइन करण्यात आलं. कारागृहाच्या नियमांनुसार नवीन आरोपींना सुरुवातीचे काही दिवस (पाच ते सहा) क्वारंटाइन केले जाते. त्यानंतर त्यांची रवानगी इतर कारागृहात केली जाते. 'एबीपी'ने दिलेल्या वृत्तानुसार, आर्यनला रात्री जेवणात मूगाची डाळ, भात, भाजी आणि चपाती देण्यात आली. आर्यनला सोमवारपर्यंत तुरुंगातच राहावं लागणार आहे. सत्र न्यायालय बंद असल्याने त्याच्या जामिनाची याचिका दाखल होऊ शकत नाही.

"मी यापूर्वी कोणताही गुन्हा केलेला नाही. एका प्रतिष्ठित कुटुंबातून असून माझे आईवडील आणि भावंडे मुंबईतच राहतात. माझ्याकडे भारतीय पासपोर्टही आहे. त्यामुळे फरारी होणार नाही. शिवाय पुरावे नष्ट करण्याचा प्रश्नच नाही", याचा विचार करून जामीन देण्याची विनंती आर्यनच्या वतीने न्यायालयाकडे करण्यात आली.

loading image
go to top