प्रसिद्ध दिग्दर्शक डेव्हिड धवन यांची प्रकृती बिघडली, रुग्णालयात दाखल

बॉलीवूडचे प्रसिद्ध दिग्दर्शक डेव्हिड धवन(David Dhawan) यांची तब्येत अचानक बिघडल्याने त्यांना मुंबईतील रुग्णालयात दाखल करण्यात आलं आहे. डेव्हिड धवन यांचा मुलगा अभिनेता वरुण धवन गेल्या काही दिवसांपासून त्याच्या 'जुग जुग जियो' सिनेमाच्या प्रमोशनमध्ये बिझी आहे. वरुण धवनला(varun Dhawan) या प्रमोशन दरम्यानच वडिलांची तब्येत बिघडल्याचं कळलं तेव्हा तो तातडीनं कार्यक्रम सोडून रुग्णालयात(Hospital) जाण्यासाठी रवाना झाला.(David Dhawan Hospitalized)

डेव्हिड धवन यांना मधूमेहाचा त्रास आहे,तोही जास्त प्रमाणात. त्यामुळेच त्यांची तब्येत बिघडली अन् त्यांनारुग्णालयात दाखल केलं गेलं. अद्याप त्यांच्या प्रकृती संदर्भात सविस्तर माहिती समोर आलेली नाही. नेमका त्यांना काय त्रास सुरू झालाय आणि रुग्णालयात दाखल करण्याची गरज का भासली याविषयी देखील काही कळालेलं नाही.

वरुण धवन सध्या 'जुग जुग जियो' सिनेमाच्या प्रमोशनमध्ये बिझी आहे. १५ जून २०२२ रोजी मुंबईत एका प्रमोशनल कार्यक्रमात तो बिझी होता तेव्हाच त्याच्या फोनवर वडील डेव्हिड धवन यांना रुग्णालयात दाखल केलं गेल्याची बातमी कळाली. आणि हे ऐकताच तो रुग्णालयाच्या दिशेने रवाना झाला.

७० वर्षांचे डेव्हिड धवन यांचे नाव बॉलीवूडच्या प्रसिद्ध दिग्दर्शकांमध्ये घेतलं जातं. त्यांनी 'कुली नं १', 'मैं तेरा हिरो','जुडवा','हसीना मान जाएगी','साजन चले ससुराल','जोडी नं १' सारखे अनेक सुपरहिट सिनेमे त्यांच्या नावावर आहेत. वरुण धवन आणि रोहित धवन ही त्यांच्या मुलांची नावं आहेत. आणि दोघेही इंडस्ट्रीत चांगलं नाव कमावत आहेत.