स्क्रीन राईटर झीशान कादरी विरुद्ध एफआयआर दाखल, करोडो रुपयांचा घोटाळा

मुंबई- 'गँग्स ऑफ वासेपुर', 'छलांग' आणि 'हलचल' सारख्या सिनेमांचे स्क्रीन राइटर, झीशान कादरी यांच्या विरोधात तक्रार दाखल करण्यात आली आहे. मिळालेल्या माहितीनुसार, झीशानच्या विरुद्ध अंबोली पोलिस स्टेशनमध्ये कलम ४२० अंतर्गत फसवणूकीचा आरोप दाखल केला गेला आहे. त्यांची कंपनी फ्रायडे टू फ्रायडे एंटरटेन्मेंटवर दीड कोटी रुपयांची अफरातफर केल्याचा आरोप आहे.

हे ही वाचा: आदित्य नारायणने लग्नात ढोलवर धरला ठेका, व्हिडिओ व्हायरल

या प्रकरणाविषयी अधिक माहिती जेत निर्माते जतिन सेठी यांनी सांगितलं होतं की त्यांची कंपनी नाद फिल्म्स प्रोडक्शन हाऊस आणि झीशान कादरी यांच्या कंपनीमध्ये पैशांची ही डील एका वेबसिरीजसाठी झाली होती. मात्र झीशान कादरीने त्या वेबसिरीजमध्ये हे पैसे गुंतवले नाहीत. 

निर्माते जतिन सेठी यांच्या म्हणण्यानुसार, झीशान कादरी यांच्या कंपनीमध्ये प्रियांका बसी यांचा समावेश आहे. मात्र आत्ताच्या एफआयआरमध्ये केवळ झीशान कादरी यांचं नाव आहे. प्रियांका बसी अभिनेत्री होती मात्र आता डिरेक्शन आणि प्रोडक्शनमध्ये जीशान कादरीची सहकारी आहे.   

fir lodged against screen writer zeeshan qadri in case of rigging