गँग्स ऑफ फिल्मीस्तान: सुनील ग्रोवर यावेळी डॉक्टर नाही तर गँगस्टर बनून हसवण्यासाठी सज्ज

मुंबई- सुनील ग्रोवरच्या चाहत्यांसाठी अत्यंत आनंदाची बातमी आहे. 'द कपिल शर्मा शो' सोडल्यानंतर ब-याच कालावधीनंतर सुनील ग्रोवर छोट्या पडद्यावर परत येण्यासाठी सज्ज झाला आहे. सुनील 'गँग्स ऑफ फिल्मीस्तान' या नवीन कॉमेडी शोमधून प्रेक्षकांना लोटपोट करण्यासाठी लवकरंच येत आहे. खास गोष्ट अशी की या कॉमेडी शो मध्ये त्याच्यासोबत शिल्पा शिंदे, संकेत भोसले, सुगंधा मिश्रा, उपासना सिंह, जतिन सूर आणि सिद्धार्थ सागरसोबतंच पारितोष त्रिपाठी देखील असणार आहे. हा शोचा प्रोमो नुकता रिलीज केला गेला असून यात हा शो कुठे आणि कधी पाहायला मिळणार याविषयीची माहिती आहे.

हे ही वाचा:  संजय दत्तच्या कॅन्सरची बातमी ऐकून रात्री उशीरा रणबीरने घेतली त्याला भेटण्यासाठी धाव, सोबत दिसून आली आलिया भट्ट 

कॉमेडियन सुनील ग्रोवरने स्वतः या कॉमेडी शोचा प्रोमो ट्विटरवर शेअर केला आहे. विशेष म्हणजे यावेळी सुनील डॉक्टरच्या नाही तर गँगस्टरच्या भूमिकेत दिसून येतोय. या प्रोमोमध्ये सगळे कलाकार हसताना दिसतायेत. या प्रोमो शेअर करताने त्याने लिहिलंय, 'तुमच्या प्रत्येक श्वासात हास्य भरण्यासाठी येत आहेत कॉमेडीचे हे महारथी. आम्ही येत आहोत एक तास नॉनस्टॉप कॉमेडी घेऊन 'गँग्स ऑफ फिल्मीस्तान'मध्ये. ३१ ऑगस्टपासून रात्री ८ वाजता स्टार भारत वर.'

हा प्रोमो नीट पाहिला तर लक्षात येईल की शिल्पा शिंदे 'हम आपके है कौन'मधील माधुरी दिक्षीतच्या अंदाजात तर संकेत भोसले सलमान खानच्या लूकमध्ये दिसून येत आहेत. इतर कलाकारांमध्ये एक जण 'बाहुबली'मधील कट्टपाच्या लूकमध्ये दिसतोय. उशीरा का होईना सुनील ग्रोवर पुन्हा एकदा नव्या अंदाजा प्रेक्षकांना हसवताना दिसणार आहे. मात्र आता टीआरपीच्या रेटींगमध्ये हा शो 'द कपिल शर्मा शो'ला टक्कर देऊ शकेल का? हे येणारा काळच सांगू शकेल.  

gangs of filmistan sunil grover comedy show promo when and where to watch gangs of filmistan