मुंबई- 'बिग बॉस १०' चा स्पर्धक राहिलेला आणि 'उतरन' या मालिकेतील रघुवेंद्र प्रताप राठोड या भूमिकेने घराघरात पोहोचलेला अभिनेता गौरव चोप्राच्या आईचं १९ ऑगस्ट रोजी निधन झालं होतं. आणि आता यानंतर १० दिवसांनी त्याच्या वडिलांचं निधन झालं आहे. गौरवने सोशल मिडियावर त्याच्या वडिलांच्या निधनाची बातमी दिली. त्याने एक भावनिक पोस्ट शेअर करत यामध्ये त्याच्या आदर्शांना गमावल्याचं दुःख आणि आणि या कठीण परिस्थितीबाबत लिहिलं आहे. गौरवची आई आणि त्याचे वडिल दोघांनाही कोरोनाची लागण झाली होती.
गौरव चोप्राने त्याच्या पोस्टमध्ये लिहिलंय, 'श्री स्वतंत्र चोप्रा माझे हिरो. माझे आदर्श, माझी प्रेरणा. मला हे मानायला मला वेळ लागेल की लाखोमध्ये देखील त्यांच्यासारखं कोणी असेल का? मला नाही वाटत. एक आदर्श व्यक्ती, आदर्श मुलगा, आदर्श भाऊ, एक असा माणूस जो सगळ्यापेक्षा जास्त कुटुंबाला मानतो. मला हे समजायला २५ वर्ष लागली की सगळेच वडिल त्यांच्यासारखे नसतात. ते खास होते. माझी आई आम्हाला १९ तारखेला सोडून गेली आणि वडिल २९ तारखेला. १० दिवसात ते दोघेही निघून गेले. आयुष्यात एक रितेपण आलं आहे जे कधीच भरुन निघू शकत नाही.'
याआधी जेव्हा गौरवच्या आईचं निधन झालं होतं तेव्हा देखील त्याने त्याच्या भावनांना वाट मोकळी करुन दिली होती. त्याने लिहिलं होतं, 'माझी आई सगळ्यात स्ट्राँग स्त्री होती. पहिला फोटो एक वर्षापूर्वीचा आहे. तीन वर्ष ती कॅन्सरशी लढत राहिली. तीन वर्ष नॉनस्टॉप किमो आणि आम्हाला साथ देणं. प्रत्येक खोली प्रकाशमान करायची. ती एक सुंदर स्त्री होती तिला कोणीही कमजोर करु शकत नव्हतं.तिच्यावर सगळे प्रेम करायचे.'
gaurav chopra father passes away 10 days after the actor lost his mother
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.