Gautami Patil: 'सगळ्या तारखा गेल्या, हा महिना पूर्ण बूक' गौतमीनं सांगून टाकलं

Guatami Patil: सोशल मीडियावर गेल्या काही दिवसांपासून गौतमी पाटील ही चांगलीच व्हायरल झाली आहे. सांगली जिल्ह्यातील बेडग गावामध्ये झालेल्या तिच्या लावणीच्या कार्यक्रमाला प्रेक्षकांची गर्दी लोटली होती. या गर्दीमुळे जवळच असलेल्या जिल्हा परिषदेच्या शाळेची मोठ्या प्रमाणात नुकसानही झाले होते. त्यामुळे चर्चेत आलेल्या गौतमीची पुण्यात पत्रकार परिषद झाली. त्यात तिनं केलेल्या खुलाशानं पुन्हा एकदा नेटकऱ्यांचे लक्ष वेधले आहे.

गौतमी म्हणाली, माझ्या त्या कार्यक्रमाला प्रेक्षकांनी खूप गर्दी केली होती. मला त्याची कल्पना आहे. एवढी गर्दी होईल असे वाटले नव्हते. यावेळी गौतमीनं आपल्याबद्दल सोशल मीडियावर वेगवेगळ्या अफवा पसरवल्या जात असल्याचे म्हटले आहे. मी कोल्हापूर ची नाही मी धुळ्याची आहे लोकं माझ्या बाबत काहीही बोलत असतात. शिंदखेडा हे माझं मूळ गाव. जन्मापासून माझ्या वडिलांना मला आणि आईला सोडलं माझे वडील माझ्या आईला मारहाण करायचे. आईंनं खूप कष्ट करुन आम्हाला घडवलं.

आईचा अपघात झाला आणि मग मोठं संकट उभं राहिलं. तेव्हापासून मग मी डान्स करायला लागले. घर सांभाळण्यासाठी ऑर्केस्ट्रामध्ये काम करु लागले. घरची परिस्थिती चांगली नव्हती म्हणून मी आधी बॅक स्टेज डान्सर म्हणून काम केले आणि त्यानंतर मी लावणी सुरु केली. यावेळी गौतमीनं माफी मागितली आहे. ती म्हणाली, माझ्या कडून जी चूक झाली ती मी मान्य करते. डान्स करण्याच्या फ्लो मध्ये झाले पण आज पुन्हा त्यासाठी मी सगळ्यांची माफी मागते.