'गहराइयां सिनेमा तुम्हाला पाहता येणार नाही जर...' सविस्तर वाचा

दीपिका पदुकोण(Deepika Padukone),अनन्या पांडे(Ananya Pande),सिद्धांत चतुर्वेदीआणि धैर्य करवा यांच्या 'गहराइयां' या सिनेमाचा ट्रेलर जेव्हापासून रीलीज झाला आहे तेव्हापासून सिनेमातील किसिंग सीन आणि इंटिमेट सीनचीच चर्चा होत आहे. ट्रेलर पाहताच कळाले होते की या सिनेमाला १८ वर्षाखालील मुलांना पाहण्याची परवानगी नक्कीच मिळणार नाही. आता इतके बोल्ड सीन असल्यावर हे होणारंच होतं. या सिनेमाला 'A' सर्टिफिकेट मिळालं आहे. त्यामुळे आता ही गोष्ट कन्फर्म झाली आहे. आणि त्यामुळेच सिनेमातला एकही सीन कट न करता 'गहराइयां' त्याच्यातील संपू्र्ण इंटिमेट सीन,बोल्ड सीन सह प्रदर्शित केला जाणार आहे. दिग्दर्शक शकुन बत्राच्या या सिनेमात नात्यांमधील गुंतागुंतीवर भाष्य करण्यात आलं आहे. ११ फेब्रुवारीला हा सिनेमा ओटीटी प्लॅटफॉर्मवर प्रदर्शित केला जाणार आहे.

या सिनेमात इंटिमेट सीन शूट करण्यासाठी इंटिमसी डायरेक्टरचं सहाय्य घेतलं गेलं होतं. बॉलीवूडसाठी इंटिमसी डायरेक्टर ही कॉन्सेप्ट तशी नवीन आहे. सिनेमात इतरही चांगल्या गोष्टी आहेत पण त्या सोडून केवळ सिनेमातील इंटिमेट सीनवर जास्त चर्चा होत आहे. या सिनेमासाठी कलाकारांनी खूप मेहनत घेतली आहे पण त्याची कुठे चर्चाच होत नाही असं सांगत सिनेमाचा दिग्दर्शक शकुन बत्रानं नाराजगी व्यक्त केली आहे. दीपिका पदुकोणने मात्र सिनेमाच्या टीमचं आपल्या मुलाखतीत भरभरुन कौतूक केलं आहे. ती म्हणाली,''जेव्हा तुम्ही एखाद्या टीमसोबत काम करता तेव्हा तुम्हा सर्वांची विचार करण्याची पद्धत एकसमान असेल,प्रत्येकजण जर हजरजबाबी असेल,तुमच्यातला उत्साह दांडगा असेल तर त्या सिनेमातनं ते दिसतं. तुम्हाला जे म्हणायचं आहे ते अधिक प्रभावशालीरित्या व्यक्त करता येतं. आणि 'गहराइयां' करताना हाच अनुभव मला आणि आमच्या टीममधील सर्वांना आला''.