Govinda & Rashmika : गोविंदा झाला रश्मिका मंदानाचा ‘सामी’; दोघांनी केला डान्स

Govinda, Rashmika Mandanna News पुष्पा फेम अभिनेत्री रश्मिका मंदानाला (Rashmika Mandanna) नुकतीच सुपरस्टार गोविंदाला भेटण्याची संधी मिळाली. गोविंदा (Govinda) आणि रश्मिकाची जुगलबंदी पाहून चाहत्यांमध्ये चांगलाच उत्साह संचारला होता. दोघांनी एकत्र स्टेजवर डान्सही केला. ९० च्या दशकातील सुपरस्टार अभिनेता गोविंदा आजही प्रत्येक गाण्यावर अशा प्रकारे परफॉर्म करतो की पाहणारा पाहतच राहतो.

डीआयडी सुपर मॉम्सच्या ग्रँड फिनालेमध्ये गोविंदा आणि रश्मिका मंदाना (Rashmika Mandanna) पाहुणे म्हणून सेटवर आले होते. पुष्पा चित्रपटात अल्लू अर्जुनसोबत मुख्य भूमिकेत दिसलेली रश्मिका मंदानाचे सामी सामी हे गाणे सुपरहिट झाले आहे. येथे गोविंदा (Govinda) आणि रश्मिकाने याच गाण्यावर डान्स केला.

पुष्पानंतर चाहते अल्लू अर्जुनच्या पुष्पा २ या चित्रपटाची आतुरतेने वाट पाहत आहेत. या चित्रपटाचा पहिला भाग सुपरहिट ठरला होता. दुसऱ्या भागातही रश्मिका मंदाना आपल्या स्टाईलची जादू दाखवणार आहे. साऊथची सुपरहिट अभिनेत्री रश्मिका मंदाना हिने आता हिंदी चित्रपटांमध्येही पाऊल ठेवण्यास सुरुवात केली आहे.

रश्मिका मंदाना लवकरच अमिताभ बच्चन यांच्यासोबत गुडबाय चित्रपटात काम करताना दिसणार आहे. या चित्रपटाचा ट्रेलर नुकताच प्रदर्शित झाला असून, चांगला प्रतिसाद मिळाला आहे. एका मुलाखतीत अमिताभ बच्चन यांना पहिल्यांदा भेटल्याचा अनुभव सांगताना रश्मिकाने सांगितले की, मी त्यांना भेटून प्रभावित झाले आहे.