Heropanti 2 : टायगर-ताराचा अ‍ॅक्शन अवतार

टायगर श्रॉफ (Tiger Shroff) आणि तारा सुतारिया (Tara Sutaria) यांनी चाहत्यांना त्यांच्या सोशल मीडिया हँडलवर एक स्टायलिश पोस्टर शेअर केली ज्यात तारासोबत टायगर एका कारवर बसला आहे. "आम्ही निघालो!!! आमचे नवीन पोस्टर टाकत आहे. या ईद, 29 एप्रिल 2022 रोजी तुमच्या जवळच्या सिनेमागृहात," ताराने असे कॅप्शन दिले.

एका ट्विटमध्ये, अभिनेत्याने लिहिले, "मला हे जाहीर करताना आनंद होत आहे की आमचा चित्रपट #Heropanti2 2022 च्या ईदला तुमच्या जवळच्या चित्रपटगृहांमध्ये प्रदर्शित होणार आहे! अगली ईद बिताएंगे आपके साथ."

'स्टुडंट ऑफ द इयर 2' (Student of the year) मध्ये एकत्र काम केल्यानंतर टायगर आणि तारा पुन्हा एकत्र दिसणार आहेत. अहमद खान (Ahmed Khan) दिग्दर्शित रोमँटिक अॅक्शन चित्रपटात नवाजुद्दीन सिद्दीकी देखील आहे. "2022 हे माझ्यासाठी खूप महत्त्वाचे आणि विशेष वर्ष आहे कारण माझे दोन्ही चित्रपट 'हिरोपंती 2' आणि 'गणपत' (Ganapat), ईद आणि ख्रिसमसच्या दिवशी रिलीज होणार आहेत.'' टायगर म्हणाला.

चित्रपटाबद्दल बोलताना अहमद खान म्हणाले, “आमच्याकडे पाच सुंदर गाणी आहेत जी ए.आर. रहमान (A. R. Rahman) यांनी संगीतबद्ध केली आहेत, गीतकार मेहबूब भाई यांनी लिहिली आहेत. त्यापैकी तीन आम्ही आधीच शुट केली आहेत, तर उर्वरित दोन मुंबईत चित्रित केले जातील. एक म्हणजे मंत्रमुग्ध करणारी कव्वाली. सर्व कोविड-19 प्रोटोकॉल लक्षात घेऊन आम्ही आजपासून याचे शूटिंग सुरू केले आहे.”