Ira Khan - Nupur Shikhare Reception: कमल हासनच्या लेकी फोटोशूट करत असतानाच धर्मेंद्र आले अन्... व्हिडीओ व्हायरल

Ira Khan - Nupur Shikhare Reception: आयरा खान आणि नुपुर शिखरे यांचं वेडिंग रिसेप्शन काल मुंबईत झालं. बांद्रा येथील नीता मुकेश अंबानी कल्चरल सेंटर येथे या दोघांंचं रिसेप्शन झालं.

या रिसेप्शनला बॉलिवूडमधले अनेक तारे - तारका उपस्थित होते. यावेळी ज्येष्ठ अभिनेते धर्मेंद्र यांनीही हजेरी लावली. धर्मेंद्र यांच्या एन्ट्रीला अशी गोष्ट घडली की जी चांगलीच व्हायरल झालीय. काय घडलंय नेमकं? वाचा पुढे.

रिसेप्शनला धर्मेंद्र यांची एन्ट्री झाली अन्...

धर्मेंद्र यांचा आयरा - नुपुरच्या वेडिंग रिसेप्शनमधला व्हिडीओ व्हायरल झालाय. त्यावेळी कमल हासन यांच्या लेकी श्रृती - अक्षरा फोटोशूटसाठी पोज देत होत्या.

तेव्हा अचानक धर्मेंद्र रिसेप्शनला पोहोचले. यावेळी रेड कार्पेटवर श्रुती आणि अक्षरा पापाराझींसमोर फोटोशूट करत होत्या. धर्मेंद्र अचानक मध्ये येतात. हे पाहताच श्रृती - अक्षरा पटकन बाजूला होतात आणि त्या हसायला लागतात.

आयरा - नुपुरच्या रिसेप्शनमध्ये हे कलाकार सहभागी

रिपोर्ट्सनुसार, आमिर खानने आयरा आणि नुपुरच्या रिसेप्शन पार्टीसाठी 2500 पाहुण्यांना आमंत्रित केले होते. अनिल कपूर, नागा चैतन्य, बच्चन परिवार, शर्मन जोशी, फरहान अख्तर, शिबानी, कतरिना कैफ, गौहर खान, हेमा मालिनी, रेखा, रकुल प्रीत, जॅकी भगनानी, रणबीर कपूर, कार्तिक आर्यन, धर्मेंद्र, श्रुती हसन उपस्थित होते.

आयरा - नुपुरची ग्रँड रिसेप्शन पार्टी

रिसेप्शन पार्टीत आयरा खान लाल रंगाच्या ड्रेसमध्ये सुंदर दिसत होती. त्याचबरोबर काळ्या रंगाच्या शेरवानीमध्ये नुपूरही खूपच सुंदर दिसत होता.

आमिरची लाडकी आयरा आणि नुपूर शिखरे यांनी 3 जानेवारी रोजी मुंबईत एका भव्य विवाह सोहळ्याचे आयोजन करून लग्नाची नोंदणी केली होती.

यानंतर उदयपूरमध्ये तीन दिवसीय विवाह सोहळ्याचे आयोजन करण्यात आले होते. यानंतर बुधवारी या जोडप्याचे उदयपूरमध्ये 'व्हाइट वेडिंग' झाले.