Jacqueline Fernandez : जॅकलीन फर्नांडिसला नवे समन्स; १४ सप्टेंबरला हजर राहण्याचे आदेश | Sakal
sakal

बोलून बातमी शोधा

Jacqueline Fernandez Latest News

Jacqueline Fernandez : जॅकलीन फर्नांडिसला नवे समन्स; १४ सप्टेंबरला हजर राहण्याचे आदेश

Jacqueline Fernandez Latest News मनी लाँड्रिंग प्रकरणी (Money Laundering Case) दिल्ली पोलिसांनी बॉलिवूड अभिनेत्री जॅकलीन फर्नांडिसविरोधात (Jacqueline Fernandez) नवे समन्स जारी केले आहे. जारी करण्यात आलेल्या समन्सनुसार, अभिनेत्रीला आता १४ सप्टेंबरला हजर राहण्याचे आदेश देण्यात आले आहेत. या प्रकरणात यापूर्वी जारी केलेल्या समन्सनुसार अभिनेत्रीला १२ सप्टेंबरला हजर राहण्याचे आदेश दिले होते. परंतु, काही पूर्वनियोजित वचनबद्धतेमुळे अभिनेत्रीने नियोजित तारखेला उपस्थित राहण्यास असमर्थता व्यक्त करीत पोलिसांकडे दुसरी तारीख मागितली होती.

दिल्ली पोलिसांच्या आर्थिक गुन्हे शाखेने (EOW) अभिनेत्री जॅकलीन फर्नांडिसची (Jacqueline Fernandez) सोमवारी होणारी चौकशी पुढे ढकलली होती. तसेच या संदर्भात जॅकलिनला आणखी समन्स बजावण्यात येणार असल्याची माहिती दिली होती. अभिनेत्रीने दिल्ली पोलिसांना ईमेलद्वारे कळवले होते की आधीच केलेल्या काही वचनबद्धतेमुळे १२ सप्टेंबर रोजी होणाऱ्या तपासात उपस्थित राहू शकणार नाही. त्यानंतर तिने नवीन तारखेची मागणीही केली होती.

हेही वाचा: King Charles III : ब्रिटनची राजगादी बदलली, आता राष्ट्रगीतापासून बरंच काही बदलणार

महाठग सुकेश चंद्रशेखरच्या कथित २०० कोटींच्या खंडणी प्रकरणात तपासात सामील होण्यासाठी दिल्ली पोलिसांनी जॅकलिनला समन्स बजावले आहे. अंमलबजावणी संचालनालयाने (ईडी) (ED) चार्जशीटमध्ये जॅकलिनचे नाव मनी लाँड्रिंग प्रकरणाशी (Money Laundering Case) जोडले होते. जॅकलिनला सुकेशचा गुन्हेगारी खटल्यांमध्ये सहभाग असल्याची माहिती होती, असेही ईडीच्या आरोपपत्रात म्हटले आहे. त्यानंतरही तिने सुकेशच्या गुन्हेगारी नोंदीकडे दुर्लक्ष करून आर्थिक व्यवहार केले.

मनी लाँड्रिंग प्रकरणात नाव समोर आल्यापासून अभिनेत्री जॅकलीन फर्नांडिस अनेकवेळा ईडीसमोर चौकशीसाठी हजर झाली आहे. या प्रकरणी अभिनेत्रीची ३० ऑगस्ट आणि २० ऑक्टोबर २०२१ रोजी चौकशीही करण्यात आली होती. यादरम्यान अभिनेत्रीने चंद्रशेखरकडून अनेक महागड्या भेटवस्तू घेतल्याचे कबूल केले होते. सुकेश चंद्रशेखर हा मूळचा बेंगळुरू, कर्नाटकचा रहिवासी आहे. तो सध्या दिल्लीच्या तुरुंगात असून, त्याच्यावर १० हून अधिक गुन्हे दाखल आहेत.

Web Title: Jacqueline Fernandez Actress Delhi Police New Summons Money Laundering Case

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..