Jai Hanuman Movie: महाराष्ट्राचा जावई साकारणार प्रभू श्रीरामाची भूमिका? सुपरस्टार महेश बाबूला मिळणार मोठी संधी

Mahesh Babu Shriram : दक्षिणेतील दिग्दर्शक प्रशांत वर्माच्या आगामी ‘जय हनुमान’ या चित्रपटाची सध्या जोरदार चर्चा आहे. ‘हनुमान’च्या बंपर यशानंतर निर्मात्यांनी लगेचच या सिनेमाच्या सिक्वेलची घोषणा केली.

आता या चित्रपटाबाबत एक रंजक माहिती समोर आली आहे. या सिनेमातील श्री रामाच्या भूमिकेसाठी निर्माते टॉलिवूड इंडस्ट्रीतील सर्वात मोठ्या स्टारशी संपर्क साधत असल्याची माहिती समोर आली आहे. मिळालेल्या माहितीनुसार, ‘जय हनुमान’चे दिग्दर्शक प्रशांत वर्मा या चित्रपटात सुपरस्टार महेश बाबूला श्री रामाच्या भूमिकेत कास्ट करण्याचा विचार करत आहेत.

निर्मात्यांना श्रीरामाच्या भूमिकेसाठी महेश बाबूला कास्ट करायचे आहे. मेगास्टार चिरंजीवीनेही चित्रपटात हनुमानाची भूमिका करावी असे त्यांना वाटत आहे. पद्मविभूषण पुरस्कारामुळे चिरंजीवी व्यस्त असल्याचे त्यांनी सांगितले. पण त्यांना लवकरच भेटण्याची आशा आहे.

अयोध्येतील श्री राम मंदिराच्या अभिषेकप्रसंगी या चित्रपटाच्या प्री-प्रॉडक्शनचे काम सुरू करण्यात आले होते. तेजा सज्जा या चित्रपटात मुख्य भूमिकेत दिसणार आहे.