प्रसिद्ध अभिनेत्यानं खरेदी केलं जान्हवी कपूरचं घर, अभिनेत्रीनं कमावले करोडो

बॉलीवूड(Bollywood) स्टार्स आपल्या कमाईचा मोठा भाग एकतर घरात गुंतवतात किंवा इतर काही इन्वेस्टमेंटवर खर्च करतात. गेल्या काही दिवसांत तर अनेक सेलिब्रिटींनी प्रॉपर्टी खरेदी-विक्रीचे मोठे व्यवहार केलेले दिसून आले. आता राजकुमार रावने(Rajkumar rao) आपल्या प्रॉपर्टीत मोठी वाढ केली आहे अशी बातमी आहे. राजकुमार रावने आपल्यासाठी एक मोठं प्रशस्त घर खरेदी केलं आहे. पण यामध्ये इंट्रेस्टिंग गोष्ट ही आहे की त्यानं ते घर अभिनेत्री जान्हवी कपूर(Janhavi kapoor) कडून खरेदी केलं आहे.(Janhvi Kapoor sells off luxury Juhu apartment to his Co-star,famous Actor)

राजकुमार रावने मोठा ट्रिपलेक्स अपार्टमेंट जान्हवीकडून खरेदी केला आहे. त्यानं यासाठी जान्हवीला तब्बल ४४ करोड रुपये मोजले आहेत. हे अपार्टमेंट मुंबईतील जुहू विभागात आहे. जान्हवी आणि राजकुमार यांनी 'रुही' सिनेमात एकत्र काम केलं होतं. सिनेमात दोघांची उत्तम केमिस्ट्री दिसून आली होती. राजकुमार हे घर खरेदी करुन भलताच खूश आहे. तर जान्हवीला देखील हे घर विकून करोडोचा फायदा झाला आहे.

यासंदर्भात अधिक माहिती द्यायची झाली तर, जान्हवी कपूरने स्वतः हे घर दोन वर्षांपू्र्वी खरेदी केलं होतं. २०२० मध्ये तिनं हे घर तब्बल ३९ करोड मोजून विकत घेतलं होतं. पण आता राजकुमार राव सोबत केलेल्या व्यवहारात तिला ५ करोडचा फायदा झाला आहे. हे घर ३४५६ स्क्वेअर फूटचे आहे. याची पर स्क्वेअर फूट किंमत सव्वा लाखाच्या आसपास आहे. तसं पाहिलं तर ही एक महागडी डील आहे.

बोललं जात आहे की या बिल्डिंगला बॉलीवूडचे प्रसिद्ध निर्माते आणि बिल्डर आनंद पंडित यांच्या कन्स्ट्रक्शन कंपनीतर्फे बांधण्यात आलं आहे. या बिल्डिंगचे नाव लोटस आर्या असे आहे. रिपोर्टनुसार, राजकुमार राव आणि त्याची पत्नी पत्रलेखाने मिळून हे घर खरेदी केलं आहे. राजकुमार रावचं घर १४,१५,१६ व्या मजल्यावर ट्रिप्लेक्स रुपात आहे. या बिल्डिंगमध्ये बरेच सेलिब्रिटी राहतात. या नवीन डील आधी राजकुमार आणि पत्रलेखानं याच इमारतीत ११ आणि १२ व्या मजल्यावर ड्युप्लेक्स अपार्टमेंट खरेदी केला होता.