जुहीची शेतकऱ्यांना मदत, शेतकऱ्यांना दिली स्वतःची जमीन

सकाळ वृत्तसेवा
शुक्रवार, 22 मे 2020

या यादीमध्ये आता अभिनेत्री जुही चावलाचेही नाव जोडले गेले आहे. ती या काळात शेतकऱ्यांच्या मदतीसाठी पुढे आली आहे. शेतकऱ्यांना शेती करण्यासाठी तिने तिची जमीन दिली आहे. 

मुंबई : कोरोना विषाणूच्या वाढता संसर्ग पाहता त्याचा सामना करण्यासाठी नामवंत चेहरे समोर येत आहेत. एकूणच सरकारला मदत करण्यासाठी प्रत्येक जण आपापल्या परीने मदतीचा हात पुढे करत आहेत. कोरोना महामारीचा सामना करण्यासाठी अनेक कलाकार पुढे आले आहेत. यामध्ये कोणी आर्थिक मदत करत आहे तर कोणी अन्न-धान्य आणि खाद्यपदार्थांची मदत करत आहेत. याशिवाय काहींनी आपले हॉटेल्स, ऑफिस डॉक्टर्स, नर्सेस आणि इतर कर्मचाऱ्यांसाठी क्वारंटाईन सेंटर म्हणून दिले आहे. या यादीमध्ये आता अभिनेत्री जुही चावलाचेही नाव जोडले गेले आहे. ती या काळात शेतकऱ्यांच्या मदतीसाठी पुढे आली आहे. शेतकऱ्यांना शेती करण्यासाठी तिने तिची जमीन दिली आहे. 

हे ही वाचा - राधिका लंडनमध्येही भाजी महाग झाली का? राधिकाला चाहत्यांचा अजब सवाल...

जुहीची मुंबईच्या बाहेर एक जमीन आहे. त्या जमिनीत ऑरगॅनिक शेतीचे काम केले जाते. जिथे काही एक्सपर्ट या ऑरगॅनिक शेतीचे काम पाहतात. जुहीने आता ही जमीन शेतकऱ्यांना देऊ केली आहे. ही जमीन त्या शेतकऱ्यांना दिली आहे ज्यांच्याकडे शेती करायला जमीन नाही. तिने त्यांना ही जमीन मदत म्हणून दिली आहे, जेणेकरून शेतकरी या काळात या जमिनीत तांदळाची शेती करू शकतील. 

जुही म्हणाली की, 'सध्या लॉकडाऊन सुरू असल्याने अशा शेतकऱ्यांना जमीन देण्याचा निर्णय मी घेतला आहे. ज्यांच्याकडे शेती करण्यास जमीन नाही. त्यांना मदत म्हणून ही जमीन देण्यात आली आहे. या जमिनीत तांदळाची शेती केली जाईल. आपल्या शेतकऱ्यांना जमीन, माती, हवा यांची समज शहरात राहणाऱ्या लोकांपेक्षा कदाचित जास्त आहे.

 
 
 
 

 
 
 
 
 
 
 
 
 

Cheers ..!!! Clinking glasses of tea at our farm in Mandwa ...!! 

A post shared by Juhi Chawla (@iamjuhichawla) on

हे आपल्या सगळ्यांसाठी फायदेशीर आहे. आपण सर्वांनी असच हुशारीने काम करायला पाहिजे.' ही शेती ऑरगॅनिक पद्धतीने केली जाणार आहे आणि जुहीने तिच्या एक्सपर्टर्सला या शेतीवर लक्ष ठेवण्यास सांगितले आहे. कोणत्याही केमिकलचा ही शेती करताना वापर केला जाणार नाही यासाठी जुही स्वतः यामध्ये लक्ष घालत आहे. शेतकऱ्यांसाठी ही मदत करून खूप आनंदी आहे. जुही बॉलिवूडपासून कित्येक वर्षांपासून लांबच आहे. अभिनयाबरोबरच ती पर्यावरणासाठी देखील काम करते. मुंबई बाहेरील असलेल्या जमिनीची पाहणी करायला नेहमी जात असते.

juhi chawla has come forward to help landless farmers during the ongoing lockdown


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: juhi chawla has come forward to help landless farmers during the ongoing lockdown