कोर्टाने न्यायलयीन कोठडी सुनावल्यानंतर KRK रुग्णालयात दाखल

KRK Admitted in Hospital : चित्रपट अभिनेता राशिद खान उर्फ ​​केआरके, ज्याला आक्षेपार्ह ट्विट केल्याप्रकरणी अटक करण्यात आली होती, त्याला रुग्णालयात दाखल करण्यात आले आहे. छातीत दुखू लागल्याने त्यांना मुंबईतील शताब्दी रुग्णालयात दाखल करण्यात आले आहे. अटकेनंतर केआरकेला पोलिसांनी बोरिवली कोर्टात हजर केले होते तेथून त्याला 14 दिवसांची न्यायालयीन कोठडी सुनावण्यात आली आहे.

एका अधिकाऱ्याने दिलेल्या माहितीनुसार, दुबईहून मुंबईत आल्यावर केआरकेला सोमवारी रात्री उशिरा मुंबई विमानतळावरून अटक करण्यात आली होती. पोलिसांनी KRK ला बोरिवली येथील दंडाधिकारी न्यायालयात हजर केले आणि चौकशीसाठी त्याला 4 दिवसांची कोठडी देण्याची विनंती केली. मात्र न्यायालयाने ही विनंती फेटाळून लावत त्याला 14 दिवसांची न्यायालयीन कोठडी सुनावली.

एका पोलिस अधिकाऱ्याच्या म्हणण्यानुसार, KRK विरुद्ध 2020 मध्ये भारतीय दंड संहितेच्या कलम 153 (दंगल घडवण्याच्या उद्देशाने चिथावणी देणे) आणि 500 ​​(बदनामी केल्याबद्दल शिक्षा) आणि माहिती तंत्रज्ञान कायद्याच्या तरतुदींनुसार एफआयआर नोंदवण्यात आला होता. केआरकेविरोधात पहिले 'लूकआउट सर्क्युलर'ही जारी करण्यात आले होते.

मालाड पोलिसांनी केआरकेला 2020 च्या ट्विटच्या संदर्भात अटक केली होती. त्या ट्विटमध्ये केआरकेने लव्ह जिहादशी संबंधित मजकूर लिहिला आणि पोस्ट केला होता. केआरकेच्या वतीने आज त्याच्या वकिलाने जामिनासाठी अर्ज केला, ज्यावर आता 2 सप्टेंबर रोजी सुनावणी होणार आहे.