Tunisha Sharma: तिच्या हत्येसाठी शीझानच जबाबदार..कंगणा भडकली, पंतप्रधानाकडे केली मागणी...

तुनिषा शर्मानं वयाच्या अवघ्या विसाव्या वर्षी आपलं आयुष्य संपवत या जगाचा निरोप घेतला. तुनिषानं २४ डिसेंबर रोजी आपल्या मालिकेच्या सेटवर गळफास घेत आत्महत्या केली. यावर अनेकांनी प्रतिक्रिया दिली.

आता कंगना राणौतने इंस्टाग्रामवर ३ पानांची नोट लिहित स्टोरी टाकली आहे. यासोबतच तिने तुनिषा शर्माच्या मृत्यूवरही आपली प्रतिक्रिया दिली आहे. महिलांच्या सुरक्षेसाठी कठोर कायदा करण्याची विनंतीही तिने मोदी सरकारकडे केली आहे.

तिने लिहिले की, 'स्त्री सर्व काही सहन करू शकते, मग ते प्रेमपासून वेगळं होणं असो किंवा लग्न तुटणे असो, नातेसंबंध किंवा इतर काहीही असो पण ती छळ सहन करू शकत नाही. तिच्या स्टोरीमध्ये प्रेम नव्हतंच ही गोष्ट ती स्वीकारू शकत नाही. समोरच्या व्यक्तीसाठी तिचं प्रेम आणि असुरक्षितता हे तिचं शोषण करण्यासाठी पुरेसं होतं. तिचं प्रेम होतं, तर समोरच्याला फक्त तिचा शारीरिक आणि भावनिक वापर करायचा होता.” असं म्हणंत तिने शिझानवर आरोप केले आहेत.

तिला हे जेव्हा कळालं तेव्हा ती खचली आणि तिने जर तिचं आयुष्य संपवण्याचा निर्णय घेतला असेल, तर ते तिने एकटीने केलेलं नाही, हा खून आहे. असं कंगणाला वाटतंय

कंगना रनोटने पुढे लिहिले की, 'मी आदरणीय पंतप्रधान नरेंद्र मोदींना विनंती करतो की, ज्याप्रमाणे कृष्ण द्रौपदीसाठी उभा राहिला, तसा राम सीतेसाठी उभा राहिला. तसेच बहुपत्नीत्वाच्या विरोधात कठोर कायदे करा. अॅसिड हल्ला करणाऱ्यांविरोधात कायदा करा. त्यांना कठोरात कठोर शिक्षा झाली पाहिजे.

Also Read - क्रेडिट कार्ड वापरताय...मग या गोष्टी माहिती हव्याच....

तुनिषा शर्मानं आत्महत्या केली त्यासाठी शीझान खानला जबाबदार ठरवलं जात आहे. तुनिषाच्या आईनं शीझान खानवर गंभीर आरोप केलेयत. तुनिषाच्या आईचं म्हणणं आहे की शीझाननं त्यांच्या मुलीचा विश्वासघात केला होता.

शीझानचे अनेक मुलींसोबत संबंध होतं. शीझाननं त्या कारणानं तुनिषाला सोडलं होतं. आणि यामुळेच तुनिषानं आत्महत्येसारखं टोकाचं पाऊल उचललं.असे गंभीर आरोप केले होते, त्यातच आता कंगणाच्या या वक्तव्याने पुन्हा सोशल मिडियावर चर्चांना उधान आलंय.