सूर्य कुठं उगवला! चक्क कंगनानं केलं या अभिनेत्रीचं कौतुक..

kangana ranaut : आपल्या बिनधास्त आणि परखड वक्तव्यामुळे कायम चर्चेत असणारी कंगना राणौत ही नेहमीच नेपोटिजम किंवा राजकारण याविषयी भाष्य करते. त्यामुळे कंगना आणि वाद हे एक समीकरणच झाले आहे. कंगना टीका जरी हिरीरीने करत असली तरी कौतुक मात्र क्वचितच करत असते. तिने कौतुक करणं म्हणजे अनेकांना धक्काच बसतो. असाच धक्का नुकताच बसला आहे. कंगनाने चक्क 'सीता रामम' या चित्रपटा कौतुक केलं आहे.

(Kangana Ranaut reviews Sita Ramam, calls it epic love story; praises Mrunal Thakur: ‘Truly a queen’

)

नुकताच कंगनाने 'सीता रामम' हा चित्रपट बघितला आणि त्यानंतर चित्रपटाच्या सगळ्या टीमच कौतुक केलंय. 'सीता रामम' हा चित्रपट 5 ऑगस्टला रीलीज झालेला तेलगु चित्रपट असून त्याने बॉक्स ऑफिसवर चांगलीच कमाई केली. यात साऊथ अॅक्टर दुलकर सलमान आणि मृणाल ठाकूर यांनी अभिनय केला असून यामध्ये 1964 ची LOVESTORY दाखवण्यात आली आहे.

कंगनाने याबद्दल आपल्या इंस्टावर स्टोरी टाकत सांगितले की, ''आज 'सीता रामम' पाहिला, आवर्जून सांगावं वाटेल की हा चित्रपट पहाण्याचा अनुभव खूपच आनंदायी होता. चित्रपटाचे दिग्दर्शक हनु राघवपुडी यांचेही तिने अभिनंदन. या चित्रपटातील सर्वच कलाकार भारी आहेत. त्यातही मृणाल ठाकूरचा अभिनय विशेष भावला. अत्यंत परफेक्ट कास्टिंग होतं ते. मृणालने ज्या पद्धतीने भूमिका निभावली ती क्वचितच कुणाला जमली असती,'अशा शब्दात कंगनाने कौतुक केले आहे. यावर मृणालनेही तिचे आभार मानले आहे.