Kisi Ka Bhai Kisi Ki Jaan सिनेमा लवकरच 'या' ओटीटी प्लॅटफॉर्मवर होणार रिलीज..जाणून घ्या सगळे अपडेट्स

Kisi Ka Bhai Kisi Ki Jaan: फरहाद सामजी दिग्दर्शित 'किसी का भाई किसी की जान' सिनेमागृहात ईदच्या दिवशीच रिलीज झाला आहे. सिनेमाच्या तिकिटीचा वधारलेला भाव पाहता कुटुंबासोबत सिनेमा पाहणं सर्वांनाच शक्य होणार नाही असं या सिनेमाच्या बाबतीत बोललं जात आहे.

त्यामुळे कदाचित अनेकजणांचा प्लॅन बनला असेल तो म्हणजे सिनेमा ओटीटीवर पहायचा. आणि आता कितीतरी सलमानचे चाहते प्रतिक्षा करत असतील की सलमानचा हा सिनेमा नेमका कोणत्या ओटीटी वाहिनीवर प्रदर्शित होतोय हे जाणून घेण्यासाठी.

चला जाणून घेऊया 'किसी का भाई किसी की जान' सिनेमा नेमका कोणत्या ओटीटी प्लॅटफॉर्मवर रिलीज होतोय. (Kisi Ka Bhai Kisi Ki Jaan Movie OTT Release Updates)

सलमान 'किसी का भाई किसी की जान' सिनेमाच्या माध्यमातून तब्बल ४ वर्षांनी मोठ्या पडद्यावर येत आहे. अर्थात या आधी शाहरुखच्या 'पठाण' सिनेमातून कॅमियो रोलमध्ये सलमान दिसला होता. त्यामुळे आता त्याचे चाहते अर्थातच त्याचा सिनेमा थिएटरमध्ये पाहण्यासाठीच उत्सुक असतील.

पण काही कारणानं कुणाला जर ते शक्य झालं नाही तर आता हा सिनेमा कुठल्या ओटीटीवर रिलीज होणार याविषयी असलेल्या चाहत्यांची उत्सुकता देखील शिगेला पोहोचलेली दिसतेय. यादरम्यान बातमी समोर आली आहे की हा सिनेमा Zee 5 या ओटीटी प्लॅटफॉर्मवर रिलीज होण्याची चिन्ह आहेत.

माहितीसाठी इथे सांगतो की 'किसी का भाई किसी की जान' २०१४ मध्ये आलेल्या तामिळ अॅक्शन ड्रामा 'वीरम' सिनेमावर आधारित आहे. या सिनेमात सलमान खान व्यतिरिक्त साऊथ स्टार व्यंकटेश,पूजा हेगडे,शहनाझ गिल, पलक तिवारी,राघव जुयाल, भूमिका चावला महत्त्वाच्या भूमिकेत दिसणार आहेत. सिनेमानं पहिल्या दिवशी १२.५ करोडहून अधिक कमाई केल्याचं समोर आलं आहे.