'लाल सिंह चड्ढा' सिनेमा पुन्हा लांबणीवर,प्रदर्शनाची नवीन तारीख आहे...

बॉलीवूड अभिनेता आमिर खानचा(Aamir Khan) बहुचर्चित सिनेमा 'लाल सिंह चड्ढा'(Lal SIngh Chaddha) याची प्रदर्शनाची तारीख आता पुन्हा एकदा पुढे ढकलण्यात आली आहे. पण यामुळे आमिरच्या फॅन्सची उत्सुकता शिगेला पोहोचलेली दिसून येत आहे. आमिर खानच्या प्रॉडक्शन हाऊसने तारीख बदलल्याची माहिती दिली आहे. त्यांनी त्यांच्या अधिकृत ट्वीटर अकाऊंटवर यासंदर्भात ट्वीट केलं आहे. यामध्ये सिनेमाचं शूटिंग पूर्ण झालेलं नाही त्यामुळे प्रदर्शनाची तारीख बदलत असल्याचं कारण दिलं गेलं आहे.

सिनेमा आता '११ ऑगस्ट २०२२' रोजी प्रदर्शित केला जाणार आहे. हा सिनेमा जगभरात १०० ठिकाणी जवळजवळ प्रदर्शित केला जाणार आहे. पण याच दिवशी नेमकं प्रभासचा 'आदिपुरुष' हा सिनेमा देखील प्रदर्शित होणार होता. पण या दोन्ही सिनेमाच्या निर्मात्यांनी एकमेकांसोबत बोलल्यानंतर 'आदीपुरुष' सिनेमाची प्रदर्शनाची तारीख बदलणार असल्याचं बोललं जात आहे. यासाठी आमिर खानच्या प्रॉडक्शन हाऊसने केलेल्या ट्वीटमधनं 'आदिपुरुष' च्या टीमचे धन्यवाद मानले आहेत. विशेषतः प्रभास,सैफ अली खान,कृति सेनन यांची नाव नमूद करीत धन्यवाद मानले आहेत. आता प्रभासच्या चाहत्यांच लक्ष लागून राहिलंय ते 'आदिपरुष' सिनेमाच्या प्रदर्शनाची नवीन तारीख काय जाहिर होते याकडे.