'लागिरं झालं जी'मधल्या अभिनेत्रीची 'देवमाणूस २'मध्ये एण्ट्री | Devmanus 2 | Sakal
sakal

बोलून बातमी शोधा

Shivani Ghadge

'लागिरं झालं जी'मधल्या अभिनेत्रीची 'देवमाणूस २'मध्ये एण्ट्री

देवमाणूस २ (Devmanus 2) या मालिकेने प्रेक्षकांना सुरुवातीपासूनच टीव्हीस्क्रीनला खिळवून ठेवलं आहे. या मालिकेचं रंजक कथानक प्रेक्षकांची मनं जिंकतंय. प्रेक्षकांचा या मालिकेला सुरुवातीपासूनच खूप चांगला प्रतिसाद मिळतोय. नुकतंच प्रेक्षकांनी मालिकेत पाहिलं की नटवर हाच देवमाणूस आहे. आता देवमाणूस परत आला आहे म्हटल्यावर तो नेहमीप्रमाणे आपल्या बोलघेवड्या स्वभावाने स्त्रियांना आपल्या जाळ्यात ओढणार. अशातच त्याला एक सावज भेटलं आहे. गावात आलेल्या कॉट्रॅक्टरची बायको हिच्यावर नटवरची नजर पडली आहे.

प्रोमोमध्ये या व्यक्तिरेखेचा चेहरा न दिसल्यामुळे सगळ्यांना उत्सुकता होती की ही व्यक्तिरेखा नक्की कोण साकारणार आहे. आगामी भागात प्रेक्षकांना तो चेहरा पाहायला मिळणार आहे. ही भूमिका अभिनेत्री शिवानी घाडगे साकारतेय. शिवानी हिला प्रेक्षकांनी याआधी लगीर झालं जी या मालिकेत सुमन काकीच्या भूमिकेत पाहिलं होतं. आता या नव्या भूमिकेत शिवानीला पाहताना प्रेक्षकांना सुखद धक्का मिळणार आहे.

हेही वाचा: 'तू करतेय ते चुकीचं की बरोबर..'; अल्लू अर्जुनचं समंथासाठी वक्तव्य

या नवीन भूमिकेबद्दल बोलताना शिवानी म्हणाली, "मी देवमाणूस २ मध्ये गावात आलेल्या कॉन्ट्रॅक्टरची बायको नीलमची भूमिका साकारतेय. याआधी मी लागीर झालं जी मध्ये सुमन काकीची भूमिका साकारली होती. नीलम ही भूमिका सुमनच्या अगदी विरुद्ध आहे. सुमन ही अगदी साधी भोळी आहे, याउलट नीलम ही गावातील सगळ्यात जास्त मादक स्त्री आहे. डॉक्टर देवची नजर ज्या स्त्रीवर पडते त्यांचं काय होतं हे प्रेक्षकांनी पाहिलंच आहे. त्यामुळे आता निलमचं काय होणार, नीलम डॉक्टरच्या जाळ्यात अडकणार का, हे प्रेक्षकांना पाहायला मिळेल." देवमाणूस २ ही मालिका सोमवार ते शनिवार रात्री १०.३० वाजता झी मराठी वाहिनीवर प्रेक्षकांच्या भेटीला येते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top