लतादीदींची प्रकृती स्थिर; कुटुंबीयांनी दिली माहिती | Lata Mangeshkar Health Update | Sakal
sakal

बोलून बातमी शोधा

Lata Mangeshkar

लतादीदींची प्रकृती स्थिर; कुटुंबीयांनी दिली माहिती

गानसम्राज्ञी लता मंगेशकर (Lata Mangeshkar) यांना कोरोनाची लागण झाल्याने मुंबईतील ब्रीच कँडी रुग्णालयात दाखल करण्यात आलं. त्यांच्यावर आयसीयूमध्ये उपचार सुरू आहेत. लतादीदींना कोरोनाची सौम्य लक्षणं आहेत, मात्र त्यांचं वय ९२ वर्षे असल्याने त्यांना डॉक्टरांच्या देखरेखीखाली ठेवणं गरजेचं आहे. त्यामुळे त्यांना आयसीयूमध्ये दाखल करण्यात आलं आहे, अशी माहिती मंगेशकर कुटुंबीयांच्या वतीने देण्यात आली. लतादीदींच्या प्रकृतीत सुधारणा असून त्या बऱ्या होत असल्याची माहिती त्यांची भाची रचना शाह यांनी मंगळवारी दिली. (Lata Mangeshkar health update)

लतादीदींची प्रकृती ठीक आहे. कोरोनातून बरं होण्यासाठी किमान सात दिवस लागतात, त्यामुळे लतादीदींना अजून रुग्णालयातच उपचार घ्यावे लागतील, असंही त्यांच्या कुटुंबीयांनी स्पष्ट केलं. 'न्यूज १८'ला दिलेल्या मुलाखतीत रचना म्हणाल्या, "लतादीदींची प्रकृती स्थिर आहे. देवाची कृपा आहे. दीदी लढतात आणि जिंकूनच येतात, अशीच आमच्यात त्यांची ओळख आहे. त्यांच्यासाठी प्रार्थना करणाऱ्या देशभरातील त्यांच्या चाहत्यांचे मी आभार मानते. जेव्हा प्रत्येकजण प्रार्थना करतो तेव्हा कोणतीही चूक होऊ शकत नाही."

हेही वाचा: नाद खुळा! 'पुष्पा'मधल्या 'श्रीवल्ली' गाण्याचं मराठमोळं व्हर्जन

ब्रीच कँडी रुग्णालयाचे डॉ. प्रतीक समदानी आणि त्यांचं पथक लतादीदींवर उपचार करत आहेत. लतादीदींना कोविड न्युमोनिया झाला असून पुढील सात-आठ दिवस त्यांना रुग्णालयातच राहावं लागेल, असं डॉ. समदानी यांनी पत्रकारांना सांगितलं. लतादीदींना शनिवारपासूनच ब्रीच कँडी रुग्णालयात दाखल करण्यात आलं आहे. त्यांना कोरोनाची सौम्य लक्षणं असून ऑक्सिजनची गरज भासली नाही. त्यांचं वय पाहता डॉक्टरांच्या देखरेखीखाली त्यांच्यावर उपचार सुरू आहेत, अशी माहिती मुंबईच्या महापौर किशोरी पेडणेकर यांनी पत्रकार परिषदेत दिली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top