प्रख्यात गायक भूपिंदर सिंग यांचे निधन

मुंबई : बॉलिवूडचे ज्येष्ठ पार्श्वगायक भूपिंदर सिंग यांचे सोमवारी सायंकाळी निधन झाले. त्याची पत्नी आणि गायिका मिताली सिंहने ही माहिती दिली आहे. ते काही दिवसांपासून आरोग्याच्या अनेक समस्यांशी झुंज देत होते. ते 82 वर्षांचे होते.

भूपिंदर सिंग यांनी बॉलिवुडमधील अनेक चित्रपटात गाणी गाईली आहेत. भूपेंद्र सिंह यांचा जन्म 6 फेब्रुवारी 1940 रोजी पंजाबमधील अमृतसर येथे झाला होता. त्यांचे वडील प्रोफेसर नाथा सिंग हे देखील संगीतकार होते. त्यांच्या कारकिर्दीच्या सुरुवातीच्या काळात भूपेंद्र ऑल इंडिया रेडिओवर त्यांच्या ऑफर्स देत असत. 1978 मध्ये प्रदर्शित झालेल्या गुलजार यांनी लिहिलेल्या 'वो जो शहर था' या गाण्याने त्यांना प्रसिद्धी मिळाली, असे म्हटले जाते. भूपेंद्र यांनी 1980 मध्ये बंगाली गायिका मिताली मुखर्जीसोबत लग्न केले. या जोडप्याला मूलबाळ नाही.

भूपेंद्र सिंह लहान असताना त्यांनी त्यांच्या वडिलांकडून गिटार वाजवायला शिकले. त्यांचे वडिल संगीतकार देखील होते. नंतर ते दिल्लीला गेले. जिथे त्यांनी ऑल इंडिया रेडिओसाठी गायक आणि गिटार वादक म्हणून काम केले. संगीतकार मदन मोहन यांनी सिंह यांना पाहिले आणि 1964 मध्ये त्यांना पहिला मोठा ब्रेक मिळाला.

१९९० च्या दशकाच्या मध्यात भूपेंद्र सिंह यांनी गायिका मिताली मुखर्जीशी लग्न केले आणि त्यानंतर ते पार्श्वगायनापासून दूर गेले. प्रसिद्ध संगीतकार आर. डी. बर्मन यांच्याकडे ते वादक होते. चुरा लिया है हमने जो तुमको या गाण्यातील गिटार त्यांनी वाजविली. एक उत्तम गिटारवादक ते पार्श्वगायक-संगीतकार अशी त्यांची मोठी कारकीर्द होती.

दरम्यान सिंग यांच्या निधनाच्या वृत्तानंतर महाराष्ट्राचे मुख्यमंत्री एकनाथ शिंदे यांनी ज्ये 'आपल्या भावस्पर्शी आवाजाने रसिकांच्या मनावर अधिराज्य गाजवणारा कलावंत हरपला आहे,' अशा शब्दांत ज्येष्ठ गायक भूपिंदर सिंह यांना श्रद्धांजली वाहिली आहे.