Love and War Movie: रणबीर-आलियाचा नवीन सिनेमा, जोडीला विकी कौशल! भन्सालींनी केली घोषणा

Love and War Movie News: संजय लीला भन्सालींच्या नवीन सिनेमाची घोषणा झालीय. रणबीर कपूर, विकी कौशल आणि आलिया भट्ट यांच्यासोबत भन्साली 'लव्ह अँड वॉर' नावाच्या नवीन चित्रपटासाठी एकत्र येत आहेत.

यानिमित्ताने भन्साली १७ वर्षानंतर पुन्हा एकदा रणबीर कपूरसोबत काम करणार आहेत. याशिवाय 'गंगूबाई काठियावाडी'च्या यशानंतर भन्साली आलियासोबत पुन्हा एकत्र आले.

'लव्ह अँड वॉर' चित्रपटाच्या निमित्ताने 17 वर्षांनंतर भन्साली आणि रणबीर कपूर पुन्हा एकत्र येत आहेत.

काल बुधवारी २४ जानेवारीला या सिनेमाची घोषणा करण्यात आली. या चित्रपटाची बातमी कौशलने इंस्टाग्रामवर शेअर केली आहे. या पोस्टमध्ये विकी, आलिया आणि रणबीर कपूर यांच्या स्वाक्षऱ्यांसह घोषणा करण्यात आली.

रणबीर-आलियाने 'लव्ह अँड वॉर' सिनेमाची कथा ऐकली. आलियाने सुरुवातीलाच हा सिनेमा साईन केला असून आता सिनेमाची टिम रणबीरला करारबद्ध करुन घेण्यास उत्सुक आहे.

याशिवाय विकी कौशलसुद्धा संजय लीला भन्सालींसोबत पहिल्यांदा काम करण्यास उत्सुक आहे. विकीला सुद्धा सिनेमाची कथा प्रचंड आवडली असल्याचं समजतंय. हा सिनेमा ख्रिसमस २०२५ रोजी भेटीला येणार आहे.