Valentine Day 2023: 'आज आमच्या लग्नाचा 23 वा वाढदिवस..',दिवंगत पतीच्या आठवणीत मंदिरा बेदीची भावूक पोस्ट

Mandira Bedi Valentine Post viral: व्हॅलेंटाईन डे निमित्तानं आज सोशल मीडियावर सगळीकडे प्रेमाचा बहर आलेला दिसत आहे. आज तिथे सर्वसामान्य नेटकऱ्यांपासून सेलिब्रिटींपर्यंत अनेकजण आपल्या मनातलं प्रेम व्यक्त करताना दिसत आहेत.

बॉलीवूडमधील अनेक सेलिबनी व्हॅलेंटाईन डे निमित्तानं स्पेशल पोस्ट केलेल्या दिसून आलं आहे. या प्रेमाच्या दिवशी मंदिरा बेदी मात्र उदास दिसली. (Mandira Bedi remembers late husband raj kaushal valentine post)

आजच्याच दिवशी मंदिराच्या लग्नाचा वाढदिवस असायचा. आणि ज्याच्यासोबत हा दिवस सेलिब्रेट करायचा तो तिचा नवराच आज तिच्यापासून कोसो दूर आहे..जिथनं तो पुन्हा तिच्याजवळ कधीय येऊ शकत नाही.

गेल्या वर्षी २०२१ साली मंदिराचा पती राज कौशल याचं हार्टअटॅकनं निधन झालं होतं. त्यामुळे अर्थातच १४ फेब्रुवारी हा दिवस मंदिरासाठी तसा प्रिय राहिलेला नाही. मंदिरानं आजच्या दिवशी नवऱ्यासोबतचे दोन जुने फोटो शेअर केले आहेत.

मंदिरा बेदीनं आपल्या इन्स्टाग्राम अकाऊंटवर दोन फोटो शेअर केले आहेत. या जुन्या फोटोत मंदिरा आपल्या नवऱ्यासोबत खूप खूश दिसत आहे. पण यंदाच्या व्हॅलेंटाईन डे दिवशी मात्र मंदिराला आपल्या भावना अनावर झाल्या आहेत.

तिनं नवऱ्यासोबतचे फोटो पोस्ट करत त्याला कॅप्शन दिलं आहे की, ''आज आमच्या लग्नाचा २३ वा वाढदिवस होता''. तिनं हॅशटॅग देत व्हॅलेंटाईन डे लिहिलं आहे. आणि दुःखी मन संबोधित करणारं इमोजी पोस्ट केलं आहे.

मंदिराच्या या भावूक पोस्टवर अनेक सेलिब्रिटींनी कमेंट करत तिचं सांत्वन केलं आहे.

माहितीसाठी इथं थोडक्यात सांगतो की, मंदिराचा पती राज कौशल याचे निधन ३० जून,२०२१ रोजी झाले होते. तो दिग्दर्शक आणि निर्माता देखील होता.

मंदिरा बेदी आणि राज कौशलनं १४ फेब्रुवारी,१९९९ रोजी लग्नगाठ बांधली होती. दोघांना वीर बेदी आणि तारा बेदी ही दोन मुलं आहेत. २०११ साली या कपलला वीर नावाचा मुलगा झाला तर २०२० मध्ये या जोडप्यानं ४ वर्षाची मुलगी तारा हिला दत्तक घेतलं होतं.