Mani Ratnam: प्रसिद्ध दिग्दर्शक मणिरत्नम यांना कोरोना, रुग्णालयात दाखल

Mani Ratnam: दाक्षिणात्य आणि हिंदी चित्रपट दिग्दर्शक मणिरत्नम यांच्याविषयीची एक धक्कादायक बातमी समोर आली आहे. ती म्हणजे त्यांना कोरोनाची लागण झाली असून उपचारासाठी रुग्णालयात दाखल करण्यात आले (Bollywood News) आहे. सुत्रांनी दिलेल्या माहिती नुसार, त्यांना चैन्नईतील एका रुग्णालयात दाखल करण्यात आले आहे. मात्र अद्याप त्यांच्या प्रकृतीविषयी (Bollywood movies) कोणत्याही प्रकारची माहिती समोर आलेली नाही. मणिरत्नम यांच्या कुटूंबियांच्यावतीनं देखील प्रकृतीची माहिती देण्यात आलेली नाही. गेल्या काही दिवसांपासून मणिरत्नम हे त्यांच्या पोन्नियन सेलवनमुळे चर्चेत आले आहे.

मणिरत्नम यांच्या आगामी प्रोजेक्टविषयी सांगायचे झाल्यास ते तमिळ (Entertainment News) साहित्यातील प्रसिद्ध कलाकृती पोन्नियन सेल्वनवर चित्रपट निर्मिती करत आहेत. हा कलाकृतीवर चित्रपट निर्मिती करणे हे त्यांचे (Ponniyan Selvan 1) स्वप्न होते. त्याच्या पुर्ततेसाठी त्यांनी संघर्ष केला आहे. काही दिवसांपूर्वी या चित्रपटातील प्रमुख अभिनेत्री ऐश्वर्या रॉयचा फर्स्ट लूक व्हायरल झाला होता. त्याचा टीझरही प्रेक्षकांसमोर आला असून नेटकऱ्यांनी त्याचे स्वागत केले आहे. आता पीएस 1 ची प्रेक्षकांना उत्सुकता आहे. 30 सप्टेंबरला हा चित्रपट प्रेक्षकांच्या भेटीला येणार आहे.

पीएस 1 च्या माध्यमातून ऐश्वर्या रॉय. चियान विक्रम, तृषा, कार्थी आणि जयम रवि मुख्य भूमिकेत दिसणार आहे. सरथकुमार, प्रकाश राज, किशोर, पार्थिबन, शोभिता धूलिपाला आणि ऐश्वर्या या चित्रपटातून कमबॅक करणार आहे. चौळ वंशीय राजवटीवर आधारित हा चित्रपट आहे. त्याला ऑस्कर विजेते संगीतकार ए आर रहमान यांचे संगीत असणार आहे.

काही दिवसांपूर्वी मणिरत्नम यांचा पीएस 1 हा वादाच्या भोवऱ्यात सापडल्याचे दिसून आले होते. दीड हजार वर्ष भारतावर राज्य करणाऱ्या चौळ वंशीय राजवटीवर चुकीच्या पद्धतीनं मांडणी करण्यात आल्याचा आरोप करण्यात आला होता. यावेळी खरं खोटं करण्यासाठी वकिलांकडून खास स्क्रिनिंगचे आयोजन करण्यात यावे अशी मागणी करण्यात आली आहे.