मिलिंद सोमण 'या' कपड्यांमध्ये धावणार मॅरेथॉन; फोटो पाहून नेटकरी पडले पेचात

फिटनेस फ्रिक आणि आयर्न मॅन ही बिरुदावली मिरवणारा अभिनेता मिलिंद सोमण सोशल मीडियावर बऱ्यापैकी सक्रिय असतो. मिलिंदने त्याच्या इन्स्टाग्राम अकाऊंटवर त्याचे काही फोटो पोस्ट करत पुढील मॅरेथॉन सूट परिधान करून धावणार असल्याचं सांगितलं. त्याचं हे कॅप्शन पाहून नेटकरीसुद्धा पेचात पडले आहेत. 

टक्सिडोमधले फोटो पोस्ट करत मिलिंदने लिहिलं, 'फार जुना फोटो नाही, फक्त दोन महिन्यांपूर्वीचा आहे. पण आता मीच मला सूटमध्ये आवडू लागलोय. कदाचित पुढच्या मॅरेथॉनमध्ये मी टक्सिडो परिधान करून धावेन.' मिलिंदच्या या फोटोला अवघ्या दोन तासांत दहा हजारांहून अधिक लाइक्स मिळाले आहेत. काही नेटकऱ्यांनी त्याच्या या अजब कल्पनेचं कौतुक केलंय. फॅशन असो किंवा मग आणखी काही.. मिलिंद नेहमीच बेधडकपणे सोशल मीडियावर व्यक्त होतो. पण यामुळे अनेकदा त्याला ट्रोलिंगचाही सामना करावा लागतो.

हेही वाचा : २५ किलो वजन वाढल्याने ट्रोल झाली नेहा; अवघ्या आठ महिन्यांत नेटकऱ्यांना केलं आश्चर्यचकीत

मिलिंदसोबतच त्याची पत्नी अंकिता कोनवार आणि आई उषा सोमण हेसुद्धा फिटनेस फ्रिक आहेत. ८१ वर्षांच्या उषा सोमण आताही साडी नेसून दोरीवरच्या उड्या, पुशअप्स असे व्यायामाचे प्रकार सहजपणे करतात. त्यांचे व्हिडीओ मिलिंद आणि अंकिता सोशल मीडियावर पोस्ट करत असतात. ८१व्या वर्षी त्यांचा हा उत्साह तरुणांनाही लाजवणारा आहे.