Mimi Chakraborty: अभिनेत्री आणि तृणमुल कॉंग्रेस सांसद मिमी चक्रवर्ती सध्या विमानात मिळणाऱ्या जेवणावर भलतीच भडकली आहे. तिच्या जेवणात म्हणे लांबलचक केस तिला मिळाल्यानं सध्या तिचं डोकं गरम झालंय.
अभिनेत्रींन या प्रकरणात अमीरात एअरलाइन्सला एक लांबलचक मेल पाठवला आहे. ज्याचं काही उत्तर तिला आलं नाही म्हणून तिनं ट्वीट केलं आहे. मिमी चक्रवर्तीनं अमीरात एअरलाइन्सच्या अधिकाऱ्यांकडे यासंदर्भात तक्रार केली आहे.
मिमी चक्रवर्तीने जेवणाचे काही फोटो सोशल मीडिया पोस्टवर शेअर केले आहेत.(Mimi Chakraborty complains of hairs in emirates airlines flight meal)
मिमी चक्रवर्तीनं जेवणाचा फोटो ट्वीट करत लिहिलं आहे की, ''प्रिय अमीरात..मला वाटतं की तुम्ही खूप मोठे झाला आहात..इतके की आता तुम्हाला तुमच्यासोबत प्रवास करणाऱ्या लोकांची चिंताच उरली नाही. माझं म्हणणं आहे की जेवणात केस मिळणं ही किती किळसवाणी गोष्ट आहे. मी तुमच्या टीमला मेल केला पण त्याबदल्यात काहीच रिप्लाय नाही,ते तुम्हाला गरजेचं वाटलं नाही बहुतेक, केस माझ्या चपातीमधनं निघाला..जी मी खात होते. जर तुम्हाला या गोष्टीची पर्वा असेल तर सगळ्या डिटेल्ससोबत माझा मेल चेक कराल''.
माहितीसाठी इथं सांगतो की आमीरात एअरलाइन्स दुबईची इंटरनॅशनल एअरलाइन्स आहे जी आपल्या शानदार सर्व्हिससाठी ओळखली जाते. या कंपनीच्या फ्लाइटची तिकीट खूप महाग असते म्हणूनच प्रवासी देखील त्यांच्याकडून चांगल्या सेवेची अपेक्षा ठेवतात.
त्यामुळेच आता टीएमसी सांसद मिमीसोबत जी घटना घडली त्यानंतर फ्लाइटमधील सर्व्हिसेस आणि प्रवाशांसोबतचा कंपनीचा व्यवहार यावर प्रश्न निर्माण होणं साहजिक आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.