Mira Jagannath: 'माझ्याबद्दल घाणेरड्या अफवा...' मीराचा संताप

Mira Jagganath: मराठी बिग बॉसमधून लाखो प्रेक्षकांचे लक्ष वेधून घेणाऱ्या मीरा जगन्नाथबाबत एक धक्कादायक प्रकार घडला आहे. त्याविषयी तिनं तीव्र शब्दांत नाराजी व्यक्त करुन आपलल्याबद्दल आक्षेपार्ह पोस्ट लिहिणाऱ्यांना अद्दल घडवा. असे आवाहन मुंबई पोलिसांना केले आहे. सोशल मीडियावर ती पोस्ट व्हायरल झाली आहे. बिग बॉसमध्ये आपल्या हटके स्टाईलमुळे मीरा ही चर्चेत आली होती.

सोशल मीडियावर मीरानं तिच्याविषयी घाणेरड्या अफवा पसरविणांच्याविरोधात आक्रमक भूमिका घेतली आहे. काही करुन त्यांना मुंबई पोलिसांनी धडा शिकवावा. असे तिनं म्हटले आहे. मला आशा आहे की, मुंबई पोलिस जे कुणी त्या पोस्ट करत असतील त्यांना धडा शिकवतील. असा विश्वास मीरानं आपल्या पोस्टमधून व्यक्त केला आहे. मीरा विषयी सांगायचे झाल्यास ती बिग बॉस मराठीच्या तिसऱ्या सीझनमध्ये सहभागी झाली होती. त्यावेळी तिनं आपल्या परफॉर्मन्सनं प्रेक्षकांना जिंकून घेतले होते.

मीराचा बोल्ड अन् बिनधास्त अंदाज हा नेटकऱ्यांना भावला होता. अशावेळी मीरानं आपल्याला सोशल मीडियावरुन काही जण आक्षेपार्ह पोस्ट करुन त्रास देत असल्याचे म्हटले होते. त्यामुळे मीरानं मुंबई पोलिसांकडे त्यांच्याविषयी तक्रार केली आहे. मीरानं सोशल मीडियावर पोस्ट शेअर करत माझ्याविषयी घाणेरड्या अफवा पसरत असल्याचं म्हटलं आहे. माझ्याविषयी खोटी आणि घाणेरडी माहिती इतरांना सांगण्यात येत असल्याचा आरोप मीरानं केला आहे. तसेच जे कुणी असे कृत्य करत आहे त्यांना मुंबई पोलीस अद्दल घडवल्याशिवाय राहणार नाही. असेही म्हटले आहे.

मीराची ती पोस्ट सध्या सोशल मीडियावर व्हायरल झाली असून तिच्या चाहत्यांनी झालेल्या प्रकाराबाबत नाराजी व्यक्त केली आहे. याचबरोबर त्यांनी मीराला सपोर्ट केला आहे. ज्यांनी कुणी तिला वेगवेगळ्या पोस्ट करुन त्रास दिला आहे त्यांचा तिनं निषेध केला आहे.